مشاعر المسؤولين
علتان: يعني برايك شو بيكون مشاعر المسؤولين اللي عم يتفرجو علينا ؟
فلان: مشاعر مين ؟
علتان: مشاعر المسؤولين
فلان: قصدك يعني المسؤولين عن كل شي عم يصير؟
(علتان يومئ برأسه موافقا )
فلان: شوف ... هوي في قسم منن بيكون مزعوج من حكينا كتير بس هدول يعني ما كتار يعني شغلة عشرة او ادعش بالمية مو اكتر
علتان: والباقي ؟
فلان: قصدك التسعين بالمية الباقيين ؟
(علتان يومئ برأسه موافقا مرة اخرى )
فلان: شوف يعني التسعين بالمية الباقيين بيكونو قاعدين هيكي وعم يضحكو من جوات قلبن
علتان : هههههههه يعني مبسوطين من حديثنا ومشان هيك عم يضحكو ؟
فلان: لك لاء مو مبسوطين ......بيكونو عم يضحكو علينا
علتان: اوف وليش عم يضحكو علينا ؟
فلان: لانو عرفانين انو حكينا متل قلتو
علتان: شو يعني ؟
فلان: يعني دق المي وهيي مي ...... تيتي تيتي
علتان: معناها بيعرفو انو كل حكينا عالفاضي ؟
فلان: طبعا بيعرفو
علتان: معناها صرنا تلاتة بيعرفو انو ما في امل
فلان: مين التلاتة ؟
علتان: انا وانتي والمسؤولين
فلان: ولي الامر يعني
انا بحبك وانتي بتحبيني وفخار يطبش بعضو
بحموشك انا بحموشك
|