[Syrian Gay]

كاتب النص الأصلي : الحاج متولي

مشكور عمي رامي ...على الرابط .......بس بدك الصراحة ....الموقع يلي حطيتوا هووووون

عبارة عن إجتهاد من صاحب الموقع .....أو يلي قائمين عليه ......لإني ما إنذكر فيوا غير عبارة عن كلام في كلام ..

وبظن إني هادا الكلام ما بيرضي غيرك ....و أمثالك من الشاذين جنسياً

صدقني أخ رامي أنا ما في أي شي بيني وبينك ....إنتا أولاً و أخيراً حر برأيك ...و بحياتك....بس يلي إنتا ما بحقلك إني تجبرنا إني نقتنع بشغلة رافضها مجتمعنا و أخلاقنا ...وديينا......
و إنته بإصرارك هادا ....عم بتحاول تقول إني أكتر من 70 % من البشر على خطأ و إنته و أمثالك من المثليين على صح
خلينا نتناقش بصراحة...
إنته عم بتقول إني تفسير الكتب السماوية هي عبارة عن إجتهاد من أشخاص ....ما لازم الواحد ياخد بتفسيرهن لإني هنن عبارة عن أشخاص طبيعيين أو بما في معناه .....ما في واحد منهن ... شاذ جنسياً لحتى يفسر الأمور صح الصح
أو يمكن إنته بتقصد إني مافي دين في الدنيا من الممكن الواحد يتبعوا ما دام ما بينصف الشاذين على الاقل كونهن بشر
طيب أنا بدي اسألك سؤال يا ريت تجاوبني عنوا بكل صراحة
إنته ليش رايدنا إني نعترف بالمثلية على إنها أمر طبيعي ....و الدين إن كان يهودي أو مسيحي أو إسلامي ...أو بوذي ...أو أو أو......ما بيعترف فيها غير على إنها ناحية غير أخلاقية أو فاحشة أو مؤذية
كمان يا ريت تقلي كام شغلة نافعة إذا كان الشذوذ الجنسي أمر عادي......
يا أخ رامي المشكلة الوحيدة في هيك مواضيع إني في كتير ناس عم تفهمنا غلط
يعني مثلاً في ناس عم بتفكر إني بتمسكي برأي إني أنا إنسان متصوف أو عم دافع عن ديني وبس ....لا بلعكس أنا عبارة عن إنسان عم دافع عن أخلاقي ...و معتقداتي قبل كل شي .....
سبق وقلت لإلك ولغيرك إني أنته و أمثالك من الشاذين جنسياً عم بتقوموا بممارسة الحب بينك وبينوا فقط ....بدون ما أي أحد يدرا فيها ....و الأمور ماشية تمام التمام .....طيب ليش العلنية؟؟؟؟؟
يا ريت تجاوبني وبكون إلك من الاشاكرين
تحياتي
الحاج متولي

ويكبيديا : الموقع هو عبارة عن اجتهاد لما بيحط الحكي .. بس هالحكي بيمر على خبراء اما بياكدوه او ينفوه
ولو كان خطأ كان حذفوه الاداريين ..
يعني تصور حدا يكتب برج ايفل يقع في استراليا ومختصين الموقع يتركو هالحكي ..
ويكبيديا صارت من سنتين تجيب خبراء مختصين لكل موضوع خوفاً من معلومات مدجلة وصار عليها ضغوط كبيرة بعد ما صارت يعتمد عليها مستخدمي الانترنت بشكل كبير
بعدين انا قاري عن مثلية الحيوانات بكتير محلات .. واكتر من موسوعة .. وقاري هالشي بمجلات ورقية ..
طبعا انا ماني مجبور جيبلك هالاثباتات .. بس هالحكي طلع بالتلفزيون كمان ببرامج علمية .. وانا ماني مضطر اكذب متل ما اتهمتني لأن اذا كذبت فرح أضر بسمعتي وبسمعة المثليين وبسمعة قضيتي كلها

اما ليش بدي تعترفوا فيا على انها امر طبيعي لأنها امر طبيعي .. يعني جاية مع الطبيعة هالشغلة ومع الولادة وحتى لو كنت انت مع النظرية النفسية .. انو انا تحولت بفترة الطفولة المبكرة لمثلي جنسي نتيجة شي معين (وكمان رح قول انو مستحيل انسان يقلب حالو لمثلي جنسي ) فكمان مو انا يللي اخترت هالشي .. وبعدين انا ماني عالم لصنف هالشي بس ما بعتقد الاف العلماء كللون بيقولو نفس الحكي .. وانت هللا جاية تكذب هالاف عالم وتقعد تقولي دبروهون متل ما البعض يقول .. طيب معقول خليت الدنيا من ناس بيتعاملو بالضمير ويثبتو انو هالشي مانو طبيعي رغم الضغوط ..

ومتل ما قلتلك الاديان فتفسير المفسرين للكتب السماوية خطأ (هيك بظن) ولو ما كان حكيي صح كان فمعناتها الاديان كللون ظالمين وبيحبو الاضطهاد او انو الله سيء جدا لحتى يخلق عالم مثليين او يحولون لمثليين وما الون علاج ويحكم عليون بالقتل وهالامور .. اي وين الحق قوللي ؟
وبعدين مين قال انو البوذية بتحرم المثلية ؟ البوذية الهندوسية وهالشلة .. مو ذاكرين اي شي بالنسبة للمثليين ففسروها انو معناتها مو غلط لأن لو كانو غلط كان حرمو المثلية هني كمان

وهل يا ترى اذا عطيت الحرية انت للمثليين وما زعجتون رح تنقص اخلاقياتك ؟
طيب قوللي بشو نحن عم نأثر عليك ؟ مستحيل اي شخص مغاير يقلب مثلي .. طيب وين التأثير ؟

اما ليش نعرض هالقضية للعيان .. فانا سبق وقلتلك انو نحن لو اكتشف اي منكون انو هالشخص مثلي فبيحتقرو بس ليش ما بعرف .. طيب نحن ما بدنا نضل مهمشين .. بدنا جمعيات ترعانا .. بدنا حقوق تحمينا .. يعني لو شخص اكتشف انو هو مثلي وحدا حاقد علينا هجم عليه فممكن الشخص المثلي يأكل هوا ورح يوقفو ضدو كل المغايرين كونون ما عندون معلومات عن المثلية والدولة رح توقف كمان ضد المثلي كون ما حدا قبلنا عمل شي ليغير قوانين الدولة لتحاكم مين يتعرضلنا .. وطبعا لازم يصير قانون يحمينا اذا حدا تعرضلنا كوننا الاقلية

طولت عليك .. ويا ريت يكون اقتنعت .. مع انو ما بتهمني انت بالذات انك تقتنع لان انت بالذات حاكيلك حكي ما حكيتو لأنسان ومع هيك مسكر مخك للمعلومات الجديدة يللي عم تتلقاها او تفسرا على كيفك
وهللا متأكد انو من حكي يللي هللا حكيتو رح تفسر الامور على طريقتك ..
وكمان طريقتك بالحوار معي دائما بتكون جارحة .. وما بتقدر بكل مشاركة موجهة الي الا ما تجرحني وانا بضلني ساكت .. بس لأن طبيعتي اني ما بزفر لساني او اجرح حدا ..