[Nirvana]

كاتب النص الأصلي : Barleb

شي بيحط العقل .. بـ الكف ..

انو بلله .. شو الغاية .. أنو ليش عما نعيش ..

سؤال مهم كتير هاد .. ليش عم نعيش ؟

ما بعرف ..

بس بعرف انو بلحظات بتمنى انو الحياة ما تخلص ابداً ..
وبلحظات بتمنى انها تنتهي فوراً ..

فكرة الموت قريبة كتير مننا وبتصير بلحظة ..
فكرة كتير قاسية وغبية ..
فكرة ممكن تخليك ما تنام .. لما تحس انك جيت عالدنيا وبس تموت ما رح يكون الك وجود ..
خلص نقطة انتهى ,, ما رح تحس بشي .. نهاية .. عدم .. وحياة غيرك بتستمر ..
فكرة بشعة ..
والأبشع انو ما تعيش فرصتك بالحياة متل ما لازم ..
بنعيش الحياة باحساسنا ..
شو بتحس هاي هي حياتك ..
وعدا عن هيك اشطبو من حياتك لانو فيك تعتبر انو الحياة بدون احساس هو الموت بذاتو ..

لنفكر فيها شوي : الموت = عدم الاحساس بشي ..
الحياة بدون احساس = الموت ..

بضل انو انا من الناس اللي بخاف من الموت .. من النهاية .. من العدم ..
مشان هيك بحب حس .. حس كتير .. مشان حس اني عايشة .. اني جزء من هالحياة ..