اقتباس:
كاتب النص الأصلي : Syrian__Angel
هو في شيئ من الصحــّة بالنسبة للسعودية ( متل قصة السينما والحجاب الالزامي وممنوع انثى تسوق سيارة )
بسسسس .. بالنسبة للبقيـــّة .. تخــّـنـوها !!
ع سيرة الارهاب ..
امبارح كنت عم احضر مسلسل اميركي ، المهم بالموضوع ، كانو عم يشيكو بالمكتبة عالـمواقع اللي فاتحينها الطلاب ... و بيتفاجأو انو في موقع الحكي فيه بالعربي، وبعد شوي بتقلب الصفحة لصورة ابن لادن ...
المهم بيتــّـصلو بالإف بي آي وبيخبروهم ، بيجو هدينك بيطالعو اسامي الطلاب اللي استخدمو هالكمبيوتر ، و
" للمفاجأة " بيطلع واحد منهم عربي ..
وبعدين بينتشر الخبر بالمدرسة ، وبيصير هالطالب واختو بيتعرضو لكتير مدايقات من طلاب المدرسة من تخريب لخزاينون ، لرميون بالقناني ، لنبذون .. و طبعاً ، صار اسمون ارهابية ...
هلأ ما بدكون بطول القصة ، احلى شي ( العبرة ) كانت بالاخير ..
انو بيطلع العربي بريئ ، و ابوه للشب بيعصّب كتير وبيسحب اولادو من المدرسة - بعد ما يحكي مع المدير - ..
فـ المدير من بعد " الخطبة " اللي سمــّعو ياها ابو الشب ، كتير بيتأثــّر بحكيو ، و بكيف انو وين ما راح موضع اتهام .. وملامحو العربيــّة بتخللي العالم كل الوقت تشكّ فيه وتعاملو بحذر او حتى تبعد عنـّو ..
فـ بيعمل اجتماع لكل اللي بالمدرسة ( طلاب ومدرسين ) .. وبيقللون " جملة " اكتر من رائعة ..
بيقللون انــّو " انتو دغري نطــّيتو للاستنتاج انو العربي هو الارهابي ، ما خطر ببالكون تفكرو انو يمكن يكون واحد منكن .. ما فكرتو انو ممكن يكون امريكي ، بريطاني ، فرنسي ، حيّلا جنسية كانت .. ما فكرتو انو يمكن يكون يهودي ، مسيحي ، بوذي .. دغري نطيــتو للمسلم ..
وبالنهاية ، شو كانت النتيجة ؟؟ انـّو خسرناه من مدرستنا ، خسرناه من بينـاتنا على الرغم براءتو ، ولعلمكم مو هو اللي كان ارهابي ، نحنا اللي كنا ارهابيين معو بتصرفاتنا ، ولمزاتنا .."
وبالمناسبة ... موضوعك مو محللو بـ على الطاير ، الا اذا كنت شايفو ضحك وتسالي !!
|
انتي متأكدة انو المسلسل اميركي 
طـــاب المجوز دكلُو يا بو عبـــود.............ماحلا رقص الحجية وتهز نهـــود
..<< لمن تشتكي حبة القمح اذا كان القاضي دجاجة >>..
"We ask the Syrian government to stop banning Akhawia"
|