[فسحة أمل]

كاتب النص الأصلي : ASH

>
>
>اسم الصائم:..................
>
>
>
>التاريخ: ...... \ رمضان \1428
>
>
>
>تحذير : هادا الامتحان له متطلب سابق وهو باب الحارة (1)
>
>
>
>تنويه : اجب عن جميع الأسئلة والتي عددها 20 سؤال:من كم العلامة ....؟؟
>
>
>
>1- ما هي حرفة المرحوم أبو سمير؟؟؟؟
>
>حرفة المرحوم الفرفور المأسوف على شبابو أبو سمير الحمصاني هي سهلة
>
>2- علل : طلاق سعاد من ابو عصام؟؟؟؟
>
>لك كانت عم تسبو قدام ولادو على ما أظن والله ما بيرضاه لهل الحكي
>
>3- هل تعتقد انو صطيف هو قاتل الزعيم مع التوضيح؟؟؟؟؟
>
> هاد سؤال خارج المقرر مارح جاوب بس بيني وبينك ما في غيرو عاملها
>
>4- من هي الاجمل دلال أم جميلة ؟؟؟؟؟
>
>تنيناتن أضرب من بعض بس دلال ماشي حالها يعني اذا تحركشت فيني بعبرها
>
>5- كم عدد بنات أبو حاتم؟؟؟؟؟؟
>
>اللهم أعلم شو الكاتب بخلف ونحنا منعد بس بظن وعلى معلومات مصادر داخليه أنو 7
>
>6- ما العصير المفضل للخواجا اجووو؟
>
>ما بدك تعرف كم معلقة سكر كمان وشو كان فطران هداك اليوم
>
>7- لماذا لقب الأدعشري بهذا اللقب؟؟؟؟
>
>كمان هاد خارج المقرر ثقافة عامة يعني بس يلا عمول خير وكب بالبحر ...
لأنو كان عندو صبع زيادة بأجرو
>
>8- ما هو سر الإعجاب المتبادل بين جميلة وبشير (هل تعتقد انه رغيف الخبز)
>؟؟؟؟؟؟؟
>
>يا ريتك كنت جنبي يا أش كنت دبحتك بلا هوادة ...
على جنب بظن أنو الموضوع مو موضوع خبز بظن عم يهرلها حشيشة بين الخبزات
>
>9- ما مصير العلاقة بين معتز ابو عصام و خيرية؟؟؟؟
>
>والله بدك تسألن بطلت شغلة الضرب بالرمل
>
>10 - ما هو سر اختفاء رياض اللي كان يشتغل عند أبو خاطر؟؟؟؟؟؟؟
>
>تنحرق منك لهل الأسئلة لهل المسلسل لأبو خاطر لرياض لرياض انشالله بعمرن ما يعرفو وين راح
>
>11- هل تتوقع شفاء زهرة من الطرش والخرس؟؟؟
>
>مين هي زهرة أي أي تزكرت هي بنت أبو خاطر ما هيك ياسيدي هي من الجزء الأول يعني هاد سؤال ضربة للطلاب بس الله يشفي كل مريض
>
>12- سكوت أبو النار هل يعني الهدوء الذي يسبق العاصفه ؟؟؟
>
>أجل يا أخو العرب انه الجهاد في سبيل الحارة ..... سكوت ما قبل العاصفة
>
>13- جوز بوران كان يعمل.....................
>
>كان حميماتي ابن العم بس هاد كمان سؤال ضربة للطلاب لأنو من الجزئ الول
>
>14- في 13 رمضان يكون قدر مر على مقتل أبو سمعو سنة كاملة صح ولا خطأ؟؟؟
>
>لك تضرب شو سئيل .... أي اندفس من سنة "" صح ""
>
>15 - الجزء الاول كان مليئ بالوفيات عدد اربعة على الأقل؟؟؟؟
>
>الأدعشري ....... أبو سمير الحمصاني ....
>
>16- عبود شغيل أبو قاسم ما رأيك فيه؟؟؟؟
>
>>
>17- هل تعتقد أن حارس الحارة أبو ماجد أهل لهذه الوظيفة؟؟؟
>
>
>
>18- وضح صلة القرابة بين الزعيم (رحمة الله عليه) ولطفية؟؟؟؟؟
>هاد يا سيدي أمها بتكون بنت أختو للزعيم يعني بكون خال أمها
>
>
>19- ما هو مصير سمعو ابن ابو سمعو؟؟؟؟؟؟؟؟؟؟
>
>والله ما بعرف بس حسب أخر الشاعات يلي طلعت على صعيد الحارة أنو انحرف في طرق الضياع
> والخطيئة
>20- العقيد ابو شهاب اسمو أخو ......... واسم أختو..........
>
>أسم أختو سعاد واسم أخو شبعرفني نسيت بس هاد تبع الحمام
>
>مع تمنياتي للجميع بالتوفيق


بتمنى من الجميع الاجابه بصدق و امانه يلي بيغش لح اسحب ورقتو ايوا يلا منتظر انا

و شكرا خاص للطالبه لوليتا لمساعدتها بانجاح هل امتحان

هلا دكتور أش ممكن أعزمك على فنجان قهوة مشان نتناقش بالعلامة يلي بدك تحطلي ياها وانشالله ما منزعلك وبتطلع رضيان
تسلم اديك احلى أش