كل ما فكرت شارك بموضوع يا شباب بلاقيه تافه كتير لدرجة أنو مالازم وجعلكن راسكن فيه بس خطرلي بما أني بقسم الخواطر والخربشات خربش شوي واحكي مع حالي ... بس رح سمعكن شو قلتلها ...
ليش يا حالي زعلانة مني والله أنا بحبك كتير وعم حاول اتطور كرمالك واتغير للأحسن وعم حاول جبلك العلم والمعرفة والمال والجمال بس أنت كتير مبعدة عني هالأيام كأن في مدايقك ومزعلك مني
شوفي هي المرة عم احكي الي بقلبي بس مرة جديدة يمكن ما يكون فيي احكي لأن كمان صوتي عم يتضامن معك ويوقف ضدي ... من كام يوم شفتك يا حالي واقفة بالطريق عم تستني سيارة، كنت حلوة كتير وأمورة بس شكلك متضايقة وعم تسبي وتلعني الساعة الي جبتك فيها على الدني ... والله هيدا مو معقول وإلا ما جبلك سيارة بس انت ارضي عليي خليني اعرف نام خلي النوم يجي زيارة على شي ليلة من لياليي الباردة
أيهههههههههههه أنت وينك هلأ شو عم تعملي مع مين عم تحكي ووين أراضيك وبأي بلاد مصفاي ليش كل ما شوف حال حدا عم يحكي معه بتذكر أنو انت مخاصمتيني ولعندي ما عم تجي ويمكن غضبانة فلو سمحتي ,وتكرمتي وتعطفتي تعي لعندي وارضي عليي والله مو حلوة الشباب هلأ بالمنتدى رح يفوتو ويعرفوا انك زعلانة مني فيا ريت تحكي معي مشان نوقف سوا ونكون سوا ونرد على بعضنا على القليلة قدامهم ....
ويا شباب المنتدى لو سمحتو خليكون فاعلين خير وحاولو تصالحونا سوى لأنها مو رضيانة ترجع على مطرحها بالقلب دوما
وداعا .....
لكل شيئ كان جميلا