[الوطواط]

كاتب النص الأصلي : butterfly

أول شي طلب .. بكل محبة .. ما حدا يزاود .. على غلاوة كريم ولا حدا يرمي اتهامات ..
اللي عندو اقتراح عملي .. ومجدي يقولو .. ويطرحو للتنفيذ .. عطونا أشيا عملية ... وقابلة للتطبيق بظل واقعنا اللي منعرفو كلنا بسوريا .. وبدون عمليات انتحارية .. مانا حابين تكبر قائمة معتقلينا .. أكيد
" أنا بالنسبة ألي بشوف كل هالجمعيات والمنظمات غير مجدية وأحيانا ً بحسا ذات تأثير عكسي .. اللي عندو أي ارقام احصاءات ايا شي .. يأكدلي أنو هالمنظمات تدخلت وأنقذت أشخاص يحطلي .. ويفائلني شوي .. لاضير من شوية تفائل .. "

تاني شي ... انا شخصيا ً ضد أي تحرك .. ما بيكونو أهلو لكريم بصورتو .. وموافقين عليه .. ما بدنا نشتغل من راسنا ..

كاتب النص الأصلي : sezar

لا لا تستغرب كلمة شوفيك تعمل ..
قلي شوفيك تعمل شي مفيد .. شي يطلع أو يخلي الشبيحة يفكرو يطلعو حدا من الشباب ..
اعتصام ..
نشر أسماء ..
نشر بيانات ..
طول عمر أمنستي و حقوق المدري مين و منظمة المدري إيش .. بطلعوا بيانات .ز ما استفدنا منا شي ..
+
أنا ضد أي استعانة من أي جهة تعمل من الخارج لأنها ستعتمد على شي من الخارج ..
و هاد كريم بذات نفسو ما بيقبلو ..

و لما تعرف خبرنا شوفيك تعمل

كاتب النص الأصلي : كهربجي

أسوأ طريقة لدعم أي معتقل هي أنك تزت حالك جنبو.. وشبابك جنب شبابو

وأسهل طريقة ليعتقلك حدا هي أنك تعمل متل اللي عم تدعمو...

في شي طريقة أزبط؟؟

يعني يمكن كل الناس متعاطفة معو.. 1% أو أقل ممكن يعمل شي.. طيب شو هاد الشي؟

بدون اشتراطات... شو هاد الشي؟؟

يعني هو انسجن لنفس الشي اللي عم نعملوا نحنا هلق.. عالأقل خلونا نستفيد من تجربتو شوي

ماعم قول نجبن... بس نحدد أولوياتنا.. صحي نحنا شباب.. بس مو مراهقين (على ما أفترض)

اول شي مرحبا يا جماعه
تاني شي بشكركن على رودوكن اللي فيها كتير من المنطق والعقل

الشي اللي اغلبكن ما بيعرفه
انه كريم صديقي
وانه هو اللي عملي اول عضوية اشتركت فيها هون

وانه بعرفه من زمان وبعرف اهله


اكيد كل شي قلتوه في كتير من الصحة
وانا بأيده تماما

خصوصا اللي قاله الأخ كهربجي

لأنه اكيد كريم ما رح يرضى يشوف اي شخص جنبه
ولا رح تكون هي مساعده اله

احسن شي بنقدر نعمله

هو انه نحافظ على وجود الكل برا

ونعمل كل شي بنقدر عليه ضمن حتمية وجودنا برا

لحتى نقدر نبقى نحكي بالموضوع
ونذكر فيه
وما نتركه يموت مع الوقت

واللي قاله المختار كمان صح
انه كل عمرنا ما شفنا اي فائده من هي المنظمات
او الجمعيات او اي جهة اخرى
ولا كريم ولا اي واحد معه رح يرضى انه يكون في تدخل خارجي

وكلنا منتذكر وبنعرف تماماً آراءه بهالموضوع

لهيك انا برأيي انه نبعد عن اي شي خارجي
لأنه هو رح يخرب الموضوع اكتر ما يصلحه

وكمان للأخت باتر فلاي
كلنا بيعرف موقف اهله
ولازم كلنا نقدر هالموقف ونفهمه
لأنه ما بعرف اذا بتعرفوا شو كريم عند اهله

وشو هو عند اخواته

لازم اكيد نحترمهن ونقدر موقفهن
وشو ما كان السبب لازم ما نعمل اي شي يأدي لزيادة مشاكلهن

بس اكيد مو معناته انه ما نحكي
وما نضلنا نبحث عن طرق جديدة

بس أكيد وكمان مرة أكيد

تكون ضمن اللي حكينا عنه فوق
انه يحافظ على وجود الجميع برا

لأنه جوا ما بنقدر نفيد حدا
ولا حتى انفسنا

وشكراً الكن