المشكلة انكم عم بتناقشو موضوع غربي بافكار عربية.. هلا متل ما قلتو بالغرب مافي مشكلة بهلموضوع بس بنفس الوقت مو كل البنات ممارسين الجنس.. هلا هون بالسويد نسبة منيحة من الصبايا بعدهم عذارة.. حتى انو مرة بدرس الثقافة الجنسية انسال سوال انو كم شخص بالحصة بعدو عذراء و كانت النسبة كبيرة... المهم حتى باروبا مو كل الشباب و الصبايا ممارسين الجنس... بس ليش?? هلا نحنا بمجتمعاتنا العربية ان كانت مسيحية او مسلمة بضل في شي بيمنعنا من ممارست الجنس يمكن المجتمع او الخوف من الفضيحة بينما هون باروبا المجتمع بشجع عل الجنس بل عكس البنت الي عمرها اكتر من عشرين و بعدها عذراء بيعتبروها مو طبيعية... بس بضل عنا الغلط الكبير بمجتمعنا العربي انو الشب معلشي مسموح يعمل يلي بدو ياه يعني متل ما بيقولو فرفور ذنبو مغفور بس البنت اذا مارست الجنس فاهلها بيشخطوها عل بلوعة.... هلا انا ما عم قول نعطي البنات الحق بممارسة الجنس قبل الزواج لا بالعكس.. اذا رح يصير بسوريا و بباقي الدول العربية نفس الحرية الجنسية الموجودة باروبا فرح تخرب بلادنا.. انتو انشالله مفكرين الشعب الاوروبي مبسوط كتير?? بالعكس صحيح كلشي موجود بس ما في عندهم تماسك و ترابط اجتماعي... اكيد هلا في كتير ناس ما اقتنعو بحكيي لانو يمكن يعتبروني متخلف و رجعي و ما بعرف شو فمن شان هيك رح قلكم فكرو بالامراض الي ممكن تصيب المجتمع و العاهات الكتيرة الي رح تطلع لانو لما شب رح يمارس الجنس مع بنت بحبها او لا و بعدين يتركها و البنت صارت حامل و جابت ولد فمين رح يضمن انو هل ولد ما يتجوز او يمارس الجنس مع بنت من الشب يلي ترك امو يعني بنت ابوه يعني اختو???
اخر شي بدي اسالكم سؤالين موجهين للجنسين:
بتقبل او بتقبلي انو: امك او اختك يمارسو الجنس مع حدا ???
و تاني سؤال حدا بيقبل يتجوز بنت ممارسة الجنس مع شب قبلو... و في بنت بتقبل تتجوز شب عندو تجارب على قد شعر راسو??
يا ريت الكل يجاوب و سمعونا ردودكم الحلوة و اسف لاني طولت عليكم بس انا خايف انو مجتمعاتنا العربية المتماسكة يصير فيها متل ما صار باروبا..
وكل الشكر لصاحب الموضوع
