[ابو عمير السوري]

كاتب النص الأصلي : samsoum

معليش حبيب حلمك علينا شوي
يعني الواحد من كتر ما عم يشوف ويسمع عن الاسلاميين والمتطرفين ماعاد عندو ثقة بحدا..هي اولا
وتانيا..وهذا رأي الشخصي.. اللي متل ابو القعقاع وكل أمثاله حتى لو مابعرفهم ، ومابدي اعرفهم.. عم يساعدو الناس على الهروب من مشاكلهم من خلال التوجه للتدين، وهالشي الله بذاتو مابيقبلو.. هدول الناس عم يخدرو الشعوب وعم يعملولها غسيل دماغ بطريقة غير مباشرة..وبالوقت الحالي عم يضربو على وتر المقاومة ومساندتها وانهم ضد الصهاينة ومن كل هالكلام..انتبه... ماعم قول انهم كذابين، ولكن هذه طريقتهم لاستقطاب اكبر عدد ممكن من الناس باسم الدين.. ولما بيحين الوقت بيبلشو يبثو أفكارهم الاساسية، شي دولة خلافة وشي امارة اسلامية ومن هالكلام، وبالطبع الناس رح تصدقهم، لأنهم مهدو لهالشي بشكل ممتاز وذكي وخلو الناس تثق فيهم.

أنا مو ضد الاسلاميين، بس خليهن بحالهن، ومو شغلتهن يكفرو الناس اللي بترفض نظرياتهم، ويرضو عن اللي بيأيدهن

ولا تواخذنا
سلامات

كأنك ماقرأت الخبر منيح