بعتقد انو الشب بمجتمعنا مو قادر يقدّر تضحية البنت بشرفها بهالموضوع .... لهيك بشوف انو ما بجوز تكون البنت على علاقة ..... قبل الزواج ....
م هيي الوحدة بتكون متزوجة الواحد ع سنة الله ورسوله وبكون زوجها عم يتمقطع فيها ..... كيف اذا كان قبل الزواج .... والله بذلها ذل مو طبيعي ..... والشاطر يلي بيتعلم من كيس غيرو .....
بالنسبة ل الي انا اذا اكتشفت انو زوجي كان عامل علاقة جنسية قبل ما نتزوج ..... وقتها بعرف كيف اتعامل معو ....
يعني اذا الشب الله ما بعتلو غشاء بكارة فكرو ما بتعرف البنت انو كان على علاقة بوحدة قبلها ....
بس هيدا الشي بيرجع ل كل بنت ..... و شطارتها ....
غشاء البكارة ما هوي مقياس للشرف ..... مثلاً فيكن تقلولي البنت الي بتلعب جمباز او كاراتيه ..... وفقدت عذريتها بهالمجال انها مو عذراء بالمعنى المعنوي للكلمة او انها غير شريفة !!!
او البنت الي تعرضت ل اغتصاب شو ذنبها ...!!
وبعدين هلأ مين ما كان اذا الوحدة فقدت عذريتها فيها تعمل عملية تكلفتها بسيطة وبترجع فيها عذراء ....
يعني غشاء البكارة ما عاد مقياس ل شي بس نحنا حابسين حالنا ب هالسجن تبع العادات والتقاليد ....
ما بييعرفوا انو الناس طلعت ع القمر ونحنا بعدنا واقفين عند هي شريفة وهي مو شريفة ....
وكل واحد عاملي حالو شريف مكة وعامل السبعة وذمتها ..... وما بيقبل يتزوج غير بنت عذراء وشريفة ....
وللايضاح كمان ..... في بنات كتير عملوا السبة وذمتها وبعدن عذراوات .....
وبالنسبة لل حب اكيد لازم يكون موجود بالعلاقة ..... والاّ بتصفي اشباع ل الغريزة الحيوانية مو اكتر ...
والعلاقة من غير حب اكيد مو واردة غير ع ايام ستي .... وحتى ع ايام ستي كانت الوحدة تحب حبيبها فما بالكن ونحنا بال القرت الواحد والعشرين ....
انا اسفة كتير .... حكيت كتير ...
بس انفتحت القريحة ....
