[Barleb]

كاتب النص الأصلي : *Marwa*

ما بعرف عنجد ما رح تقدر تقنعني انو ما في الله..يعني الشعور اللي بشعرو لما بصلي شعور الطمانينة والسعادة واليقين بأنو في الله لهالكون..من وين اجى من الفراغ؟!
انا مع الله حياتي افضل بكتير..ومجرد التفكير بأنو لا يوجد اله ما بعرف بس انو بتصيبني حالة من التخبط والحزن!

ماني بصدد خليكي تتركي ايمانك ولا شي ..

بس انت لما بتصلي .. بتحسي في حدا داعمك .. و واقف معك بكل دقيقة و بيحميكي ..

مع انو هاد مجرد احساس .. بس انتي مصدقتيه .. و معتمدة عليه .. و بـ أغلب اوقاتك .. و لما بتعوزي شي .. رأساً بترجعيلو ..

و تذكري هاد كلو مجرد أحساس .. بس بتحسي بالراحة النفسية ..

مثال صغير صديقتي ..

أنا عملتك كاسة عصير .. بعد ما شربتي و خلصتي .. قلتلك انا حطيت بالعصير حب منوم .. انتي رح تصدقينيا ..

و نفسياً رح تحكس حالك نعسانة .. لانو هاد الشي اللي كان مفروض يصير .. بينما انا حكت عليكي .. بس رح تتأثري بهل شي وممكن تنامي كمان ..

مثال نمبر تو .. اذا حضرتي مسلسل عودة الأصدقاء .. تبع غوار الطوشي ما غيرو ..
اخر حلقة .. جمع العالم يلي كانو اكلين حقو و قتلو مرتو .. قللون انا حطيتلكون سم بـ الشراب ..
هني بلشو يحسو حالون انو بطنن عما تجعون و هيك .. انو هي كلها امور نفسية ..

بتمنى تكون وصلت الفكرة بس
مثلاً يعني بتمني يكون فهمتي قصدي