نكهة دمشق(شامي حتى العضم)
مساء الخير اخوية:
اليوم حبيت شارك معكن بموضوع يمكن بلا طعمة بس هيك متل العادة سآلة....الموضوع عن اهم المناطق في دمشق وشعورك الاول لما بتفوت عليها ..........
الميدان:تشعر وكأنك في مسلسل باب الحارة وخصوصي لما بتشوف ابو عرب حيدر يا ريت بقدر صورلكن ياه وتشوفو اللبس الفلكلوري عن جد كأنو ابو شهاب ...
الشاغور:المفروض اش يحكيلنا عن الشاغور هو ابن الشاغور معلوماتي ضحلة عن الشاغور
البرامكة:من قبل كم شهر كانت منطقة البرامكة مكان بلم جميع المحافظات يعني خليط سوري منوع
ابو رمانة و المالكي:هون بقه بتحس حالك فايت على دنيا غير دنيا الصبايا غير والشباب غير هون بتحس بشعور الطبقية الحقيقي اقل بيت بعشرين مليون واصغر سيارة بمليونين ...المشايخ هون 10 نجوم ....والناس السبور كمان 10 نجوم.....
ساروجة وعين الكرش وشارع بغداد: هون حارتي ومنطقتي بتلاقي الناس الأكابر يلي الواحد فيهن قاعد ببيت ورتوا عن والدوا او...ومدبر حالو كيف ما كان وهو بالحقيقة طفران بس لسة محافظ على شوية برستيج قدام الناس واهل المنطقة 90% شوام ...
التجارة: منطقة متنوعة فيها الراقصات والفنانات وال...والناس يلي بايعينها مع الخيل يا شقراء ....
قصاع وباب توما والقشلة وباب شرقي : هون بتحس بدنية تانية العجوز الأكابرية والصبية متل الفلة... الموضة.... البرستيج..يعني شغل ضوجان ...بحس كأني ببيروت ...
ما بدي طول عليكن يا ريت نتشارك بالموضوع وكل واحد يحكيلنا عن منطقتو اكتر ويعرفنا عليها اكتر......
أغطيتي بيضاء والوقت والساعات والأيام كلها بيضاء ............فهل من الممكن يا حبيبتي ان تضعي شيئا من الأحمر فوق الشفة الملساء.............
|