(بناء عليه أتمنى من الأخوة جميعاً الإدلاء بآرائهم عن مدى نجاح هذا المنتدى في ردم الشرخ بين المسيحيين والمسلمين من بين أعضاء الأخوية أولاً وبينهم وبين الناس ككل من القراء. مدى فائدة قوانين النشر في هذه الزاوية في ضبط المتحاورين. وذلك لأنه إن لم يكن الهدف هو اقتراب الواحد من الآخر فلماذا الحوار إذاً . أرجو المشاركة)
الأخ العزيز نيقولا....
متل ماني ملاحظ انو الاخوة اللي عم يكتبو وبالاغلبية في فكرة معينة عم تدور ببالهم
انهم عم يدافعو عن الدين الحق ...)
وبعتقد انهم عم يدخلو وكل واحد حامل معو اسلحتو الكلامية والاقناعية وللاسف احيانا" الاستهزائية...
وانا هون بعتب عالاخوة المسيحيين اللي عم يلجئو لهيك مواقف استهزائية من الآخر لأنو المسيح علمنا حتى نحب اعدائنا ..فكيف نحنا ومش قادرين نحب الناس اللي عم نعيش معهم بنفس الحارة والمدينة والبلد...كيف قادرين نسمي حالنا مسيحيين؟؟؟؟؟
بالاجمال ضربة من هون وضربة من هون ولحد هلق ما التقيت باي موضوع اعطاني أي فائدة في حوار الاديان...الا القليل القليل..وبقية المواضيع مملةجدا" ولا تستطيع ان تكملها كلها....وفهمك كفاية..
اذا كان في شرخ بين المسلمين والمسيحيين فهيك حوارات رح تزيدو للأسف ...ورح ينغلق كل واحد فينا ع حالو...ونصير أضرب من اليهود المتزمتين العنصريين اللي مفكرين حالهم أنو الله خلقهم هني وبس وكل الشعوب الباقية بتجي وراهم من حيث المرتبة...
لا أعتقد أننا وصلنا الى مرحلة الوعي اللي بتمكننا من قبول الآخر كما هو ..بعد بدنا كتير ..لأنو باعتقادي المعلومات اللي عم نتلقاها غلط أو عم تطبق غلط...وأي شي بيأدي الى الكراهية فهو ليس من الله...(وهيدا نوع من أنواع التخلف الفكري)...
ولا ننسى أنو المسيح وقت اللي حاكموه ما دافع عن نفسو ومات كرمالنا ...بيشرفكم هل في واحد فينا قادر ما يدافع عن نفسو...أو يتحمل حتى اللطمة عالخد الايمن...وقت اللي منصير قادرين نتحمل اللطم ..وقتها نجي ونحاور....مش نحارب ...واللي بدو يحارب ..يحارب ضعفو وخطاياه وشروره وقلة محبتو ...هيهيي الحرب الحقيقية...
واللي رح يضل متل مانو هيدا صارت معروفة دوافعو وأهدافو...
نحوك عيني ...فامنحني القوة .... واعطني الايمان...