[the god father]

كاتب النص الأصلي : Nirvana

بس الناس اللي عم تضل فيها تعمل شي وما عم قول انها تمسك سلاح أو تعمل انقلاب ولا شي .. مجرد انها تحترم المكان اللي هي فيو والناس اللي عايشة معها .. ما تسرق ما ترتشي ما تنط عن القانون ما تكب زبالة بالشارع ... بظن هاي اي انسان بيقدر يعملها اذا كان انسان صالح .. يعني مواطن صالح .. وصدقني اي اصلاح ببلش بالبديهيات هاي .. واذا ما كنا قادرين حتى عالبديهيات يبقا .... لا ادري ماذا سنفعل ؟!

قلتيلي,,ما,,ترتشي,,طيب,,شلون ,,بتطلبي,,من شرطي المرور,,مايرتشي,,إذا راتبوا,,مابكفي,,لتاني,يوم من أو ل الشهر ؟؟!!!

شلون ,,بدك ,,الواحد ماينط على القانون ,إذا أول,,مابصير معو مشكلة بلاقي القانون نط عليه بدل مايساعدوا..

الزبالة اللي,,بالشارع أول الناس,,اللي,,بيعملوها,,هنن البلدية ,, أنا,بتذكر,,قدام بيتنا,,كان في,حاوية ,,فقت تاني,يوم مالاقيتها,,
لأنو المسؤول اللي قريب من بيتنا,,ماعجبو منظر الحاوية اللا حضاري وأمر البلدية أنو تبعدها,عن بيتو ,,وبعدوها شي واحد كبلو متر ,, ولسع بدك أهل الحية يروحو لعند الحاوية ,,صاروا يكبوا بالشارع على الرصيف ,,بتمنى يكون هل المسؤول ارتاح

بتعرفي,,في حكمة كتييييييييير ,,بحبها,,

إذا أردت أن تطاع فأطلب ما يستطاع ,,

لما بدك تطلبي من هل الشعب ما يسرق مايرتشي ما,,وما ,,وما ,,لازم قبل ما نطلب نأمنلوا على الأقل لقمة ولادوا ,,

بتعرفي,,مارح اضرب وطنيات ,,بس صدقيني بحب سوريا أكتر من دمي ,,

مافيني قول,,غير متل ماقال أحمد مطر واستشهد بشعروا

أنا لاأكتب الأشعار فالأشعار تكتبني ،
أريد الصمت كي أحيا، ولكن الذي ألقاه ينطقني ،
ولا ألقى سوى حزن، على حزن، على حزن ،
أأكتب أنني حي على كفني ؟
أأكتب أنني حر، وحتى الحرف يرسف بالعبودية ؟
لقد شيعت فاتنة، تسمى في بلاد العرب تخريبا،
وإرهابا
وطعنا في القوانين الإلهية ،
ولكن اسمها والله ... ،
لكن اسمها في الأصل حرية.


ودمتم.