اقتباس:
كاتب النص الأصلي : كنان2006
اما بفقرة حق الدفاع
فقضيتك يا عم غير شكل
وقبل ما احكيها عارف انو حسام بيمون
يا سيدي قرر حسام انو يلغي كل شي اسمه تسليى بالاخوية وخاصة السقيفة والمسابقات وعالطاير
والملطوشات
قامت عصابة الملوك قررت انك تدافع عن السقيفة وهالاقسام المجال الك
|
المشكلة اني ما رح ادافع لأني من أكثر المعترضين ع هاي الأقسام وبتقدر تشوف هون >>
click
وهون >>
click
عموما قسم المسابقات المفروض ما يكون هيك والي قلل قيمتو أكيد هم روّادو ومو بس قللو قيمتو مرمغوه بالأرض كمان
يعني مو عاملين بهالقسم موضوع في منو فايدة غير العد لل 5 .. لأنو يمكن في ناس لسة بيخربطو .. ما بتعرف ..
قسم المسابقات المفروض يكون فيه مسابقات بيلزم فيها تشغيل المخ .. بس الظاهر بيعتبرو تشغيل المخ ما في منو فايدة ولا تسلية ..
وما بدها حكي انو أكتر الي بيفوتوه هدفهم زيادة المشاركات
أما بخصوص قسم "السقيفة" بصراحة أنا كنت معترض على التعامل معو بهاي الطريقة ..
بس فيما بعد اقتنعت بوجهة نظر الادارة الى حدما خصوصا بعد ما شفت انو في ناس طارلهم أكتر من نص مشاركاتهم لأنها بالسقيفة .. يعني هدول ما بيفرقو عن جماعة الألعاب غير انو عم يزيدو مشاركاتهم بقسم آخر
وفي كم عضو "بدون ذكر أسماء" كانت أغلب مشاركاتهم بالسقيفة ما بتتعدى سمايلات ونقط .. والهدف واضح
أما بخصوص "ملطوشات" و "على الطاير"
هون ممكن ادافع .. بس مو باسم "عصابة الملوك" .. لأني خفافيش سود
قسم الملطوشات بعتقد لازم يكون أكبر قسم .. لأنو كتير من مواضيعنا ملطوشة ازا مو أغلبها .. فهالقسم ما بيقدر يمنعو .. والصحيح انو لازم كتير مواضيع تنتقل للـ "الملطوشات" ازا تعاملنا معو متل ما بطلب هالقسم .. بس أكيد ما بيمشي الحال
مع اني بعتقد انو وجود هالقسم مخالف لقوانين المنتدى الي بتنص على الحماية الفكرية وحقوق النشر
وطبعا هالحكي صعب يطبّق بالأخص لأنو ع الانتر نت .. ومو بس بهالمنتدى
أما على الطاير .. ما بعرف ما بزور هالقسم كتير بس بتوقع انو كافي لوحده ازا استغنينا عن "المسابقات على وضعو الحالي"
يكون قسم للتسلية والتنفيس ..
يعني هاد القسم بالفعل بسلي بدون طخ 1 2 3 4 5 .. وبتربح بلّون
عالعموم أقسام التسلية لا غنى عنها بأي منتدى .. يعني لو تروح ع منتدى متخصص بالدين بتلاقي في اقسام تسلية ولو تروح ع منتدى متخصص بالهندسة رح تلاقي في اقسام للتسلية و .. و ..
