بالفصل الأول من الكتاب :
بقدر قسم برأيي الفصل الأول لتلت مراحل ..
الاولى ..
مرحلة الهجرة .. والرحيل ( وموقف الرقص على القبور والمسيح قام .. كتير من المواقف المحزنة بهالمرحلة  )
مرحلة جبل أثوس
ومرحلة الاستقرار وبدء النزاع
هلق بحس دائما بشخصية المركزية للكاتب .. هاد " يعني نيكوس عادة" في إسقاط لصراعاتو هوي :
نيكوس يا جماعة كان حابب يصير راهب ويتصوف . .بس اللي شافو من بذخ الكنيسة والرهبان خلتو يعدل عن المشروع
ولهيك بأغلب رواياتو نيكوس بينقد بألم .. انو المادية اللي شابت صورة المسيح بالكنيسة .
نيكوس شخص بيعشق اليونان .. ولهيك دائما بكتاباتو بركز على اليونان وتاريخا .. ودخول الاتراك .. و الحرب الأهلية ..
هلق الشخصية المركزية بالرواية اللي هية الأب
بتكون شخصية مؤمنة محبة مسالمة ... وقوية بنفس الوقت .. يعني
"ها هنا مركزي ومن هنا أعلن الجهاد "
هادا اللي عندي قولو عالفصل الأول من الرواية
وسلام
|