[توت توت توت]

انواع مشي البنات

المشية الاولى : تلاقي الوحده ماشيه وفاتحه فمها لمين؟ ما بعرف الظاهر انها بتستمد طاقتها من استنشاق الهوا او يمكن شايفة منظر مرعب ومندهشة!..



المشية الثانية : البنت الي بتمشي وهي مكتفه ايديها , بتحس من مشيتها انها ما بدها تتدخل في شؤون الغير ومالها خص بالعالم..



المشية الثالثة : البنت الي تمشي وحاطة ايديها على خصرها مش فاهم شو بدها؟ يعني كأنها كاينة تركض في اولمبيدا.. نصيحة : اذا شوفتوا وحدة بتمشي هيك , ابعدوا من قودامها لانها قوية ومحتمل تضربك مخمسية , وعادة لسانها بكون طول الحية..



المشية الرابعة : الي بتمشي وناسية انو ايديها تابعات الها , وهي عادة بتلاقي جسمها في كوكب وايديها في كوكب ثاني , الله يستر شي مرة ايديها من طيشهن يروحوا لابسين شي وجه حدا على الطريق...



المشية الخامسة : البنت الرقاصة يعني الي بترقص في مشيتها مش عارف سبحان الله , ربنا اعطاها الهز الطبيعي من دون ما تحتاج لدورة رقص.. بالها الدنيا حفلة..



المشية السادسة : البنت الي طول ما هي ماشية حاضنة دفاترها وكتبها زي تقول بتحضر للماجستير , عاداك هي مش حافظة اسمها او نسيتو في جرار البوديكور والمونيكور... أتخفيش العرسان رايحين يقولوا عنك شاطرة وعبقرية اخ منك يا ثعلبية..



المشية السابعة : البنت الي بتمشي وكانها بتراقب اشي على الارض , ماشية وراسها في الارض , حتى لو تمرق عنك مش رايح تعرفها , لانو راسها الي غارز بالارض مثل النعامة مش مخلي حدا يشوف ملامحها.. مش عارفين هو هذا خجل ولا الحبيب محذرها.. الله اعلم..



المشية الثامنة : هاي الي بتمشي وبتلولو بحالها وبتنط شمال يمين , وبتفط فوق تحت , حتى انو كل العالم بعرفوا انها راحت المكان الفلاني , يي يي انحولنا من ايديها وهي تشوطيح شمال يمين (آآآآآآآآخ يا عيني )..