اقتباس:
كاتب النص الأصلي : ASH
شكرا على الرد شريك
اي اكيد ببلد خليجي
الشي التاني يا صاحبي دينتن بمعتقدتهم قراب من بعض و عندهم نفس القصص الهندوسيه يلي نذكرت هون و التانيه يلي انت نسية اسمها هنه السيخ . لازم يكون رابح حولين رقبتو خيط ولا بسلي بايود اسوه مدري شو سماها ، و رابط شعرو مدري كم ربطه ، و هل علاك ....
هلا شريك التنين نفس الشي بالنسبه لقصة الشعر ...
الشي التاني يلي بيصير بين باكستان و الهند ، كل الاساس ديني ، لو ما كان الاساس ديني ماكانوا قتلو لغاندي لانو كان صحبه مع المسلمين و خصوصي محمد علي جناح ...
شكرا  |
عراصي حارتك يا باشا
اول الشي انو انا ما كنت بعرف انك بدول الخليج . بس قدرت اتوقع هالشي من العالم الي عما تحكي عنون .
يعني الهندوس الي بتشوفون عندك . هني عالم جايين من افقر مناطق بالهند وباكستان و بنغلادش و هالبلاد هاي .. يعني هدول الي بتشفون معقول كتير انون يكونو ما بيعرفو شو الكهربة مثلا او شو بيساوي التلفون .. ( بعرف انو في كتير مهندسين واطباء كمان.. بس وقتا ما رح يحكولك هالحكي الي انت حاكي )
السيخ ( شكرا عالتزكير ) والهندوس ديانتين كتير قراب عن بعض بالنسبة النا . بس القصة بيناتون اذا قلت لواحد هندوسي انك سيخ او بالعكس .. كانك بتوقل لواحد مسلم انو يهودي .. يعني بالمظهر الخارجي كتير قراب على بعضون .. بس بالمضمون كتير بعاد .. وفي فرق جوهري بطبيعة الايمان تبعيت كل واحد منون
واخواتنا الهندوس ما عندون شغلة تطويل الشعر بنوب ..
اذا بدك تقول انو ديانتين قريبات لبعض فينك تقارن بين الهندوس والبوذين .. لانون تيناتون بيعترفو انو البوذية هيي النسخة المتطورة للهندوس . يعني الافكار كتير قريبي على بعضا . بس بطريقة حضارية اكتر بشوي
ومشان الالهة تبعيتون .. فينك تسال مرة تاني عن الهة القتل والاغتصاب !! لانو حاسسني قلبي انو ما كتير ظابطة الشغلة ..
في عندون كتير الهة عادية متل الهة الحب والجمال والصداقة والخير و .... ( بتعرف انت هدول الشغلات الكويسي )
بس في عندون مثلا من الالهة الغريبة . الهة حشيش ( بالمعبد تبعون كطقس من طقوس العبادة بيدخنو ماريوانا ) في الهة الجنس ( الكتاب تبعون مشهور بكل محل وبينباع بكتير مكاتب باوروبا عن تعاليم بالجنس!) في عندون الاه اشتهر انو اتضر يكذب مرة ( بس كانت كذبة بيضا من وراها قدر يساعد كتير حالم ويقتل الشرير الخارق الي ما بيقدر حدي يقتلو وقدر يخلص الحرب ) اسا كام الهة مميزين .. بس هلق معدون خاطرين عبالي .. بس انو شي عن القتل والاغتصاب بعتقد انو صعبي شوي ..
بالنسبة لغاندي في كتير عالم بتختلف بالرأي حولو . يعني عالم بتقول انو رجل كويس .. وكتير عالم بتقول انو كان انسان نظري كتير.. وراح بسببو ملاين الابرياء ..
بس ما بدنا نحكي عنو هلق لانو قصتو طويلي ..
الشكر لالك يا باشا
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia