لك وينك وينك ؟!؟!
خالد ...... محمد ........ جاسم
بهاي الكلمات صرخ بياع العصير اللي جنب بيتي بعد ما دفعت له المصاري ومشيت قبل ما يرجع لي الباقي او حتى يعطيني العصير
دفعت له ومشيت وبالي مشغول لا بل متشوش بصورة شفتها قبل ثوان مما ادخل المحل
الصورة كانت انه صاحب المحل المجاور شفته عبقلّع رجال ختيار من المحل والرجال بعد ما طلع من المحل بدي يبكي وقال بصوت واطي بس بحكم انه كان صار جنبي سمعته بوضوح " ذاتي ما بتروح غير على الفقرا واللي بقي عندهم ضمير " وطالع من جيبه 200 ليرة وشقها وتم ماشي مع العلم انه " بحسب الشكل " يبدو عليه انه زلمة درويش
يمكن الكل عبيتسائل كيف درويش وشق 200 ليرة وذتها بالشارع
مشان هيك رجعت على صاحب المحل اللي كان عبتمتم بشوية كلام غزل " سبسبة يعني
"
رجعت لعنده سالته لك ليش هيك عملت ؟!؟!؟
قال لي انه الزلمة هاد دخل على المحل وقال له " يا ابني انا زلمة كبير بالعمر وفي واحد نصب عليّ ب 200 ليرة مزورة قلت لحالي بركي بتجبر بخاطري وبتبدل لي اياها "
وهون سكتت وطلعت من المحل وانا شبه مهلوس من الشي اللي سمعته