أنا عندي كم سؤال محيريني كتيييييييير وبتمنى تجاوبوني عليهم
يمكن أسئلة شوي تافهة بس ما بعرف ليش آخدين عقلاتي
يللا نبدا لشوف
أول شي نفسي أعرف شو يعني بليلة
(هاي اللي ببيعها أبو غالب بباب الحارة)اي مو بس انا حتى رفيقاتي بالمتيسة حللنا كتير وما طلع معنا بالآخير شي فقلت لأسأل حبايبي بأخوية
البليلة حمص مسلوق بحطولو سماق وملح بيتنشف بضوء الشمس حصرا شرط عدم تقليبه ويترك بصواني مبخشة ..
وتاني شي بردو من المسلسل نفسو أنو لما يقولو أبو شهاب شو بقولو أموووت وأعرف
لأنو اليوم تطاوشت مع أخواتي وكل واحد بقول شي
يعني عديل
ولا عكيد
ولا
مدري شوووو؟؟
عكيد يعني زعيم الحارة او قبضاي او زكرت يلي بدك ياه
خلصت من المسلسل
هلأ اجينا للمنتدى
في كتيير أعضاء بكتبو بدل رح مثلا اعمل شغلة بكتبو لح
وأتاكدت انو هاي ما بتطلع عن طريق الغلط
ليش؟؟؟؟؟
يجوز الوجهين الصوالحة بيقولو ا لح ...اما ساروجة بيقولو ا رح ويجوز الوجهين وهي لهجة محلية تخص حارات دمشق القديمة
والله بعرف زهئتكو بس والله من زماااااااااااااان حاطة هالأسئلة ببالي وما عرفت جاوبهوم
امممممم
بس آخر شي
وكمان بتقولو بدي اتزوز(حلوو هاي ما عليها كلام)
هي زمان قديم ماكن في ثقافة كانو يقولو بدي اتزوز بدل اتزوج وقعلي بدل عقلي بس هلأ الوضع اكيد اختلف
و أخدتلي قعلي (اي شو هاااد)
اي بس بضل لهجتكو أحلى لهجة بالعاااالم
بس يا ريت تجوبوني والله صرت ما اعرف نام من هالكم سؤال
يللا سلااااام
[/quote]
شو بدك كمان نحنا جاهزين اش كان في عندك اي سؤال تاني اسألي هلا عيوني....