اقتباس:
كاتب النص الأصلي : Schnitzer
ولو كان سؤال قاسي شوي ...بس ممكن اسالك كيف فينا نساعد الوطن ...عطيني مثال لو سمحتي ...
انا ما عمبسالك بهدف الجدال ...
انا عمبسال ..لأنو بسمع هاللكلمة كتير ...و عجزت لا قيلها جواب ...فانشالله الجواب يكون عندك ..
|
مع إنه السؤال مو لإلي، بس اسمحلي جاوب من وجهة نظر شخصية. مساعدة الوطن يعني بتقديم الوطن على الذات، وتقديم مصلحة الوطن على المصلحة الشخصية، ومساعدة الوطن بحالة سوريا (والدول العربية بشكل عام) بتم عن طريق تحرير الوطن من الفساد والظلم والأوضاع الاقتصادية المزرية، يعني بالعربي شن حملة معارضة قوية لقوى الفساد والإطاحة بالحكم الفساد لإنشاء وطن ديمقراطي تكون فيه قيمة المواطن عالية (طبعا إنشاء معارضة ومحاولة إجهاض الحكم الفاسد بتطلب تضحيات كبيرة من ضمنها حياة الشخص ويمكن حياة أعز الناس لإله، منشان هيك قلت تقديم مصلحة الوطن على المصلحة الشخصية)
شكلي خبصت كتير واحتمال أنام ببيت خالتي الليلة
