[ASH]

كاتب النص الأصلي : noor shabaan

بعدين الحب تضحية انا معك بس مو هيك ومو بهيك موقف لان هون صار موت مو تضحية وانانية من انك تحكم بالموت على الحبيبة وعلى نفسك لمجرد قررت ترضي ضميرك يعني شوف النتيجة تموت انت وياها مشان شو ..؟ انانيتك
وبعدين بتقلها والله انا بحبك ولهيك فضلت تموتي معي مو لحالي شفت وين الانانية بالقصة لما انت بدك تفرض رأيك على الناس لازم تتحمل اول واحد نتيجة رأيك اذا كان صح او خطأ واول شخص لازم تضحي ولا انا غلطانة مو تفرض التضحية على الاخرين وخاصة يلي بنحبهن
لانك لما تكون عن جد بتحب شخص بتتمنى روحك تعطيه لما بلزم الامر لان هي بالنهاية اغلى من الروح وهو اغلى شي بملك الانسان
ممكن تقلي شو اغلى شي بملك الانسان ...؟ بنظرك فهل من المعقول شخص بدك تعطي روحك تمنى موتوا او بتحسن تشوفوا عم يموت قدامك
لو عنجد بتحبوا ما بتحسن تشوف شوكة عم توجع اصبعوتوا
هلق بالنهاية هاد رأي انا وما بعرف ممكن كل شخص وشخصيتوا
بس كمان في عندي سؤال
لو كنت انت وحبيبتك بالصحراء ومعك شفت مي وانت وياها ح تموتوا
يعني يا هي بتشرب يا انت شو بتساوي ..؟
لا تقلي بتكب المي وبتموتوا سوى لانو هاد كمان خيار اناني نابع من انك ما بتحسن تفضلها على حالك يعني وما تفضل نفسك عليها
هون بتكون التضحية يا اما انت بتضحي بحياتك مشانها يا اما العكس هون ممكن تسمى الحب تضحية وهيك بقى بتبين الضحية على حقيقتها والحب تضحية
هلق مشان القصة حلوة كتير وبينت خيانة البنت لشب لانهم قرروا يموتوا سوى
بس ماكان فيهم يزتوا حالهم سوى من الجبل ياترى ولا هي الدراما انو لازم واحد ورا واحد لان المكان ديق ومابسع للتنين سوى ولا كيف هي ..؟ وبعدين انا بتحدك لو انها ماتت قبلوا كان هو كمان تراجع وصار الرجال اولا
صحيح في قصة بتجنن قصة حب لشخصين مابعرف اذا بتعرفها اسمها ميمو زين عنجد بنصحك تقرأها اذا ما عندك ياها انا بعطيك ياها
لان فعلا فيك تفهم شو يعني صديق وشو يعني حبيبة بنفس الوقت لانها جامعة التنين سوى وعنجد قصة بتجنن بنصح الكل يقرأها لان فعلا هي قصة للحب الصادق يلي بالنهاية بوصل للجنة وحب الله من وراه شي بياخد العقل
وعلى كل حال اش رمضان كريم تعرفنا عليك ومشكور ولا تأخذني اذا كان ردي قاسي وفيه تجريح متل مبارح لان بالنهاية انا كمان انسان وممكن انفعالاتي قاسية احيانا وخلص كفها الله ماعد رد بالقصة نفسها مشان ما يصير حرب عالمية بالمنتدى
وسلام من رب الانام

هلا بالنسبه لهون يا نور انت في شي ماعم تقرأي كانك او عم يطير من بالك مثلا

هي من دراســـــــــــــــــــــ ـــــــــــــــــــــــــ ة ، ويلي حطو هل دراســـــــــــــــــــــ ــــــــة حطو هل جواب المنطقي

انا من بدعس العجوز و بظل ماشي مشان لا وقفلها ولا تتعذب ...

هل مشان شفة المي انا بعطيها ليلي بحبها ، مو انو مثاليه بس انا مالح اتحمل شوفها عم تموت قدامي و انا عرفان انو مالح طول ، لا بفضلها على حالي اكيد ...

و بالنسبة للقصه يلي زكرتي انو قراها ولله يا ريت تعطيني ياها بتكوني فضلتي على راسي

ومشان ردك انا ما بحب الواحد يجرحني بحكي او يحكيلي اناني او لانو انا مو هيك لهيك ردك دايقني مبارح وم اكتر ، مع انك انت حكتي بعفويه انا متاكد من هل شي

و بالنهايه شكرا لردك ، و بنتظار تعليقك لوفي