[krimbow]

مرحبا اخ حمصي
انا جاهز دايما لترجمة كل ردودك و مواضيعك و بكل سرور ، هاد في حال صعب عليك استخدام الكيبورد العربي للاخوية، ما عندي مشكلة ابدا

بالنسبة للموضوع يلي طرحتو ...

في كذا مشكلة صغيرة و هيي التالية:

اول شي نسبة رواد المنبر بيشكلوا 30% من نسبة رواد الاخوية عدا عن تخصص البعض بالمنبر دون باقي المنتديات
هلأ بعض الاعضاء بينزل اكتر من 3 مواضيع باليوم الواحد و هوي طبعا عم يشوف هالمواضيع و هالمقالات هامة بحيث ممكن يصير فيها نقاشات حوارية
اذا فرضنا انو في بس 3 اشخاص عم ينزل كل واحد موضوع واحد فقط باليوم رح يكون عنا 90 موضوع بالشهر و اختصار هالمواضيع لخمسة فقط او حتى عشرة امر كتير مجحف
يعني اختصار المواضيع للنص رح يكون فيو اجحاف فكيف لو اكتر؟؟ هادا عدا عن انو قوانين المنبر واضحة جدا بخصوص حرية الرأي و حذف المواضيع
تاني شي: فلنفرض انو قدرنا بشكل ما انو نطبق الاختصارات ... طيب مين هيي الجهة المخولة لتقوم بالاختصار؟؟؟؟
كمراقب للمنبر الحر ما بعتقد عندي هالقدرة لأنو الموضوع يلي بشوفو مهم او ضروري او خطير ممكن بنظرك انو يكون تافه و العكس صحيح

هلأ هل هذا يعني انو ما في بديل عن العشوائية؟؟؟ أكيد لأ
رح اعطيك شوية حلول موجودة و رح اقترح حلول تانية

1 - لما تشوف موضوع بيعجبك ممكن ببساطة انو تضغط على "رشقلي هالموضوع بمفضلة المواضيع عندي" و هيك ممكن ترجع للموضوع بأي وأت بعدين لأنو رح يكون موجود بقائمة مواضيعك المفضلة
2 - في توجه حالي من قبل ادارة الاخوية بارسال نشرات دورية اسبوعية بتتضمن اكتر 3 مواضيع مهمين او في عليهم شغل بكل منتدى بالاسبوع السابق و هيك ممكن انك تتابع اكتر المواضيع الهامة بس بدل شهري اسبوعي (طبعا رح يدخل مزاج المراقب او المشرف باختيار المواضيع)

3 - في بالمنبر موضوع مثبت اسمو " تنسسق الحوارات"
http://www.akhawia.net/viewtopic.syria?t=5663
انا بقترح استخدامو بالطريقة التالية:
على فرض اني قريت بأحد المواضيع انو انت مع انهاء التجنيد الالزامي بسوريا لأسباب معينة و على فرض انو انا عندي رأي مخالف لرأيك... بهالحالة ممكن اني افتح موضوع عن ضرورة التجنيد الالزامي و بحط الرابط تبع الموضوع ب"تنسق الحوارات" و بدعيك للتحاور ضمن مجموعة قوانين معينة و بنبه داخل الموضوع انو الحوار بيني و بينك و بطلب من الاعضاء انو ينتظروا لتنتهي الحوارات تبعنا و بعدين يحطوا ردودهم و بالتالي منكون قدرنا نتوصل لقوانين ضابطة للحوار بيناتنا من دون المساس بقوانين المنبر و ممكن انو تطلبوا من المراقبين انو يحذفوا اي رد لوأت ما تنتهوا من التحاور

هلأ القواني الناظمة لتنسيق الحوارات شوي صارمة فأنت بتقدر داخل اموضوع انك تتفأ مع يلي بدك تحاورو على قوانين خاصة فيكم

4 - في احتمال انو نقوم بتعديل قوانين المنبر الحر بالفترة المقبلة لكن ضيق وأت المراقبين عم يمنعنا من ذلك حاليا و انشالله خير