[بهاء عجمي]

لو إتكلمنا
.

.
لو إتكلمنا كتير حنحس
إن الدنيا دي جرح وبس
وإن حياتنا بكل ما فيها
كل ما فيها اللي مكفيها
وبرضه قلوبنا بتصرخ نار
جرح وحزن وألف مرار
حيرة عذاب وشباب محتار
م اللي مخللي حياتنا دمار
تجرح فينا قلوب وقلوب
إمتى نحس وإمتى نتوب
لما العمر أهو مر وفات
واللي جرحنا بيبكي اَهات
بس يا دنيا سؤال وإجابة
إمتى وفين نوصل بوابة؟
فيها نحس إن إحنا غلابة
مش فرسان عايشين في الغابة
نفسي تكوني معانا صريحة
حتى ولو بإجابة مريحة
مش بكلام فاضي وكداب
يملا حياتنا دموع وعذاب
داحنا رأينا المر بعينا
نقدر نسكت الله يعينا
هو القادر يحمي حياتنا
من أمثالك والله يا دنيا
لو إتكلمنا
.
ود لعينيكم
بهاء عجمي