[virus]

بعتقد انو نحنا اهل الشام من اكتر الشعوب واغناها بالارث الثقافي الشعبي ونحنا عنا اكبر مجمع امثال بين كل شعوب العالم وعلى فكرة هاد الشي بيدل على انو نحنا شعب مفكر ونبيه ومتكلم جيد
بهاد الباب حابب كل واحد منا نحنا اهل الشام يقدم مثل وقصة هالمثل وصدقوني رح بيصير باب جميل جدا خصوصا انو ستات وبنات الشام ايه ما بيلحق الواحد يغلطلو شي غلطة معها بتكون سافقتو شي ستين مثل بنص خلقتو وبتوقع تكون مشاركة الصبايا اكتر من الشباب لانو شغلتن هالشغلة
ورح بلش انا باول مثل من عندي لنشوف حركة الشباب والصبايا .
في مثل بيقول (اللي اخدناه من خدود الملاح حطيناه ب<مؤخرة >قداح )
وقصة هالمثل هي كالتالي :
كان في مملكة بيقولو انها كانت بحوران فيها ملك ,وكان في الو بنت اميرة غالية على قلبو كتير
وكان معطيها تقريبا نص ملكو بيوم من الايام طلعت تالولة بجنب شفتها يعني بخدها تقريبا وصارت هالتالولة تكبر لحتى بشعت وش هالاميرة الشي اللي سببلها تعب نفسي كبير هي والملك كمان
فصار الملك يبعت ورى هالاطباء واحد ورى التاني وما حدا يلاقي الدوا حتى آخر شي حط اعلان انو اللي بيطيب الاميرة من هالتالولة رح يجوزو ياها وكان في شب بهالمملكة بيحب الاميرة حب عجيب فقال لحالو بدي روح اعمل حالي طبيب وآخدلي بوسة من خد الاميرة وانشالله بعدين اموت مو مشكلة وفعلا راح للملك قلو انا عندي الدوا اللي رح يشفي الاميرة من التالولة الحقيرة قلو الملك واذا انت شفيتها رح جوزك اياها .ودخل الشب لغرفة الاميرة وبلش يبوس فيها من خدودها ومن شفتها وبس خلص قامت راحت التالولة طار عقلها للاميرة وفرحت فرح كبير وكمان الملك فورا جهز الفرح واتجوزو الشب والاميرة بنفس اليوم وعاشو بقصر كبير .
بس يا سيدي هي بعد شي شهرين غاب الحارس قداح عن بلاط الملك قام الملك سال عنو قالولو مرضان فاستدعاه فلما اجى قداح سالو الملك خير شو صايرلك قلو والله ياسيدي العفو منكن بس طلعتلي تالولة بمؤخرتي وما عمبعرف امشي قام قلو الملك بسيطة نادو لي نسيبنا الجديد هو اللي بيعرف يشفيلك هالتالولة وفعلا نادو للشب نسيب الملك وشرحولو القصة فما قدر يملص صاحبنا وما لقا قدامو الا انو يجرب نفس الدوا اللي جربو عالاميرة وبلش تبويس بمؤخرة الحارس قداح منشان تروح التالولة فقال لحالو (اللي اخدناه من خدود الملاح راح بمؤخرة قداح