[fofo besset syria]

كاتب النص الأصلي : معتر ليش ما بعرف

كلامك حلو كتير وهاد الي بقصدو انو نناقش الموضوع مع بعض مو بس نعرف شو راي الناس فيه ... ويمكن متل ما قلت قبل ازا قريتي الردود انو عندي اخ تعرض من لما كان زغير لحرق بوشو وصدرو درجة اولى وهلا بدك تقولي تعرض لاعاقة بالرقبة وما بيقدر يرفعا كتير وصار عامل ست عمليات مشانا بس متل ما بتعرفي في عروق ومناطق حساسة بالرقبة ما بيقدر الطبيب يعملا اي شي ... بس مع هيك اخي قدر يتعايش مع اعاقتو ويقدر يشتغل ويكون حالو ... بس النقطة الي كان يوقف عليها والي ما بخبيها عنك والي كانت الفكرة الاساسية من طرحي للسؤال هوي لما كان يتعرف عبنت كان يتجنب يفكر فيا كزوجة لانو هيي ما كانت تفكر فيه بالطريقة نفسا ... وطبعا كان في وجهات نظر مختلفة متل ما في هون كمان .... بس بالنهاية اي شخص وهاي عم قلك ياها بلا اي مجاملة او مواربة بدو يفكر يرتبط مع شخص معو اعاقة شو ما كانت رح يفكر ويعد للمليون قبل ما يخطو هيك خطوة ممكن يفكر انو بيوم من الايام يندم عليها ....
شكرا عالمناقشة الظريفة ... عن جد بسطتيني فيها فوفو

الله يشفيه ويعافيه لأخوك ويئويه اكتر واكتر ليكون اد الي صار الو ومتل ما تئبل الموضوع انشالله يزيدو ئوة وئوة وبجي يوم بلائي البنت الي بتحب الشخص الي جواته وما بتهتم بالخارج...

ومتل ما بئولو ازا خليت بليت...ومتل مافيه بنات بهتمو بالشكل وما بترضى تتجوز الا شخص كامل من برا تشوف حالها بشكله ادام الناس فالدنيا كمان مليانة بنات واعين وانشالله يلتئي شي يوم بوحدة منن...

وانا ما بنكر انه الشكل مهم وكل بنت او شب بتمنو يرتبطو بشخص كامل الاوصاف من كل الجهات بس الدنيا نصيب والواحد لما يحب بحب الداخل مو الخارج بس...

على نقطة التفكير مليون مرة الي عم تحكي عليها...بشكل طبيعي كل خطوة للزواج المفروض الواحد يفكر قبلها ملوين مرو مرة ..لانه هاد عمر راح يئضيه مع هالشخص والطلاق مو شغلة سهلة سواء من شخص طبيعي او معه اي اعاقة بئا هاي مو مشكلة كبيرة..بالعكس يمكن مع التفكير تكتشف انه هالشخص المعاق احسن من 100 شخص طبيعي وتقرر ترتبط فيه...

والله وانا كمان مبسوطة بالنقاش...اول مرة لائي نقاشات اخوية زمان رجعت...

كاتب النص الأصلي : GOVERMENT

اي مبلا حضرتو
بس ماحدا تفاهم مع حدا وبالعكس بالاخير هادا كول تمثيل الواقع غير

صحي حضرتي الجزء التاني

ههههه يعني بس انه الها ايجابيات بالنسبة للشباب..المرة الخرسا برتاح من نئها ونكدها وطلباتها...مو هيك

اي اي عم بحضرو