[samsoum]

كاتب النص الأصلي : Willi

هلق انت سمعتيهون هيك قالو؟؟
انا سمعتون قالو انو بشار الاسد ديكتاتور, وقالو كمان انو سوريا كانت دولة الها مركز مهم كتير بالقديم, بس هلق ومع سياسة الحكومة الحالية قلبوها لدولة متخلفة. (شي من قبيل هالحكي)
اما بالنسبة لاولاد البلد, فهني بيعرفو بلدهون اكتر من اللي مو ولاد البلد, وبيعرفو شوفيها وشو ما فيها اكتر من غيرون.


مو ملاحظة انو ردك كتير, مو شوي فيه تحيز مع الحكومة؟؟

انا اللي سمعتهن ، وحكيت هالشي برد سابق الي،اقتبسته وفيك تقراه تحت (بالاحمر) .
بس أكيد هذا مو رأي الغالبية في الغرب، وكثيرين ممن يصفون سوريا وحكومتها بأنها دولة داعمة للارهاب،وبأن رئيسها ديكتاتور، يعتمدون في آرائهم على الاعلام الغربي، ومافي داعي نحكي مين الجهات المسيطرة على وسائل الاعلام المؤثرة في الغرب، لأنها صارت معروفة

كاتب النص الأصلي : samsoum

مبارح التقيت بثلاث اشخاص (ألمان) وتمنيت لو كان معي مسجلة لحتى سجل شو حكو عن الرئيس وشو كان رأيهن فيه، كان النقاش طويل كتير
بس فيني اختصرلكن، بانهم ابدو اعجابهم الشديد بشخصيته، وبسياسته الخارجية بالتحديد، وكان رايهن انو بشار الاسد هو الرئيس العربي الوحيد (بهالفترة) اللي عم يعرف كيف يوظف كل شي عم يصير بالعالم لصالحه،بدهاء يثير الاعجاب، ودائما عم يطلع هو الرابح، وهون تذكرت عبد الباري عطوان وكلامه حول هالموضوع، وقتها قال انو ماعم يعرف انو كيف كل هالدول بتشتغل ضد سوريا وبتحاول تضغط عليها بكل الوسائل، بس بالاخر كل هالضغوط بقدرة قادر بتتحول لمكاسب تصب في مصلحة سوريا،وانو بالاخر لايستطيعو الا ان يعودو لسوريا، وقال انو هالشي سببه اما ان السياسيين السوريين اذكياء جدا، او ان سياسيي الاطراف الاخرى أغبياء جدا
وتفاجأت لما أحد الالمان قال لي، ان كلام احمدي نجاد سليم تماما حين قال بأن الدولة الاسرائيلية يجب ان تقام في أوروبا،وليس في فلسطين، لأن اوروبا هي التي اضطهدت اليهود وهي التي يجب عليها ان تدفع ثمن ذلك لا العرب
عالهامش، كتار من الالمان عندهم آراء مشابهة، بس بيخافو يحكو فيها علنا.
تحياتي

وكلمة اخيرة
مو شرط انو كل واحد بيحكي رايه بجانب من جوانب سياسة الدولة ، يكون متحيز للحكومة وموالي لها،بالسراء والضراء، في كتير ناس بتأيد الحكومة بسياسات معينة وبتخالفها بسياسات أخرى،وهالشي مابيعني انها موالية او معارضة
سلامات