ايامات زمان طلع فيلم اسمو فهرينهايت 9\11 لمايكل موور
هوي فيلم وثائقي حاكي كمان عن هدول الشغلات كلون
وبموضوع الويكيبيديا في كام نقطة طالبين مصادرين على هالحكي
هوي وقتا حط الصور وحكا مثلا شوي عن درجة انصهار المعدن المصنوع منو التوربين تبع الطيارة وحكا كيف انو مستحيل يدوب عالاخر لانو الحرارة الي بتطلع من احتراق البنزين تبع الطيارة ما بيوصل لدرجة حرارة انصهار هادا المعدن . وكان كل الحكي بالارقام
وكل الفلم هيك شغلات
واسا حكا كمان عن مخزن الذهب الي كان تحت البرج .. وما طلعو العالم منون غير كام سبيكة , والسؤال كانو وين راحو الاطنان البقية؟
يعني فلم حلو خرج ينحضر
وكمان من كام يوم كنت عما احكي مع استاذ بالجامعة هون , وهوي كمان من الجماعة الي ما بتأمن باخبار التلفزيون
حكالي عن فيديو ما بعرف من اي قناة امريكية
وقت كانوا بالنقل المباشر للحدث, اجت ورقة للمذيعة
وبلشت تقرا بالورقة انو سقط اول برج من البرجين وقدر عدد الضحايا بالالاف
مع انو كانت بالصورة الوراها البرجين اساتون واقفين وما وقع ولا واحد منون
وبعد كام دقيقة وقف بث القناة؟
يعني الاخبار كانت عما تنتقل بسرعة كتير كبيري , لدرجة انون عرفو شو رح يصير قبل ما يصير
