[Syrian__Angel]

كاتب النص الأصلي : Willi

روحي اقري المقال.
الاسئلة السياسية كان الا الحيز الاقل بالمقابلة

اي تأكد اني قريتو .. ورجعت " رحت " قريتو .. ما طلع معي شلون انو الاسئلة السياسية كان الها الحيز الاقل !
لكان شو كانو عم يعملو كل هالوقت !؟ شو كل هالاسئلة ؟ يعني بتندج تحت اي نوع من الاسئلة !؟

كاتب النص الأصلي : brave heart2

اثبات شو يعني ... يعني انتي من كل عقلك انو ما بكون عرفان شو الاسئلة .... وبعدين ليش كمان بتكون مسجلة
مشان اذا المذيع عمل شي اجتهاد شخصي ... يروح بالمونتاج
يعني من كل عقلك ...عم تحكي
ما تفهميني انو عم هاجم الدكتور بشار الاسد بس هاد الشي بيطبق عند كل رؤساء العالم وحتى الشخصيات الاقل ...
يعني في كتير برامج بكون اساسا البرنامج مباشر ... وقت يكون مع مسؤل رفيع المستوى بيصير تسجيل فكرك ليش ؟؟؟
الشغلة ما بدها اثبات ..... اسأليلك شي دكتور اعلام او صحافة بخبرك بالظبط انو اساسا هي بتددرس بالاعلام

اولاً يا استاذ ... بهيك نوع من المقابلات ( اللي بتكون مع رؤساء او زعماء ) تأكد انو ما رح يتفزلك المذيع بأي اجتهاد شخصي.. تأكد من هالشي.لانو الاسئلة بتكون محطوطة من فترة ومدروسة منيح،مو مشان يجي " يتعبقر "* عليه بسؤال مو محضّر ، ويمكن يحرف مسار المقابلة لاتجاه تاني مو مخططلو .. وهنن اللي قعدو مدري ادّيش لحتى يزنقو الشخص بشغلة محددة ..
* - مأخودة من عبقرية - ..

تانياً ...
بئا انت تركتلي كل الرد " الطويل العريض " واجيت ع نص السطر اللي قلتلك هات شي بيثبت كلامك .. وكل شي ما عدا هيك طنّشتو !

يلا بسيطة ... مو هالقصة الكبيرة بكل الاحوال ..

كاتب النص الأصلي : Barleb

بعد أذنك ... من كل هل حوارا الطويل العريض ..

فيكي تقوليلي شو فهمتي .؟

" فهمت " انو عندك رئيس بينرفع فيه الراس - ان عجبك هالشي او لاء - ( وبكرا طالعو علينا صيت انو موالاة .. خلص حفظنا الدرس ) ...
المهم .. امبارح كنت عم دوّر ع المقابلة هي .. فـ احزرو شو طلع معي ؟! ( بالاضافة لالها )
طلع معي رأي المنتج تبع المقابلة
هلأ هو حكى كتير ، بس بالنسبة للموضوع اللي بيخصنا قال عن اجوبة الرئيس السوري :
" and i think he's responsable of surprise a number of people , because certainly he did not
shy away from an answer "

فـ 1) يعني بعد هيك تعليق منّو ، بتظن انو كانت الاسئلة عند الرئيس من اسبوع ولهيك " اتفاجأو " بردودو !؟؟
بالعكس !! كان رح يلاقيها عادية كتير ، بما انّو اخد وقتو ليفكر بكل سؤال مليون ساعة ! ولا كان " اندهش " هداك بالاجوبة اللي قالها مع انو عرفانين هنن شو سائلين ...
2) فعلاً فعلاً انتو غريبين ! كل العالم الغربي واقف ضد سوريا ، و بيعتبروها " دولة ارهابية " وعم يحذرو رعاياهم انو يروحو لهنيك ... بس ( ولاحظلي هالـ بس الله يخليك ) ، بس مع هيك .. ما بينكرو انو بشار الاسد شخصية بتثير الاعجاب .. بعدين بتجو انتو ( اولاد البلد ) وبتبلشو نق ليوم النق " مو عاجبنا " .. " وبدنا غيرو " .. " ويا ريتو بيعمل شي قد ما بيوعد " ...
انا برأيي ، من خلال الفترة المنيحة اللي قضيتها بسوريا هالسنة من بعد 3 سنين ، البلد تحسّنت كتييييييييير ...
اي صح ، لسه في فساد .. و اي صح ، لسه البلد بدها شغل كتير ..
لــــــــك و اي صــــــــــــــــــح ، كل الظروف ضدنا ، ومع هيك بعدنا واقفين ..

لك شو بدكن بالضبط !؟ أي دولة تانية كانت راحت من زمان بظل هيك ظروف ! اتطلع عالخريطة .. من كل الجهات البلدان المجاورة لسوريا يا اما فيها حروب يا اما تابعة لاميركا ومتل ما بتؤمر بيصير ..
الاستقرار الداخلي فايت بمليون حيط ، وبقيانة سوريا الوحيدة اللي سالمة من هيك شي لهلأ ...

بدل ما تضلّو واقفين بمكان واحد و" مالنا متحركين لتغيرولنا الرئيس " ويجي واحد ع مرائنا ( هي اذا صار واتفقتو ع واحد واجمعتو انو اي والله هاد عاجبنا ) .. ليش ما تبلشو تعمرو وتغيرو وتطورو بالبلد بغض النظر مين رئيسك !؟
هي لبنان ، مو عاجبها حدا من الحكومة ... بس هل العالم وقّــفو حياتون من هون ليحلّو الازمة !؟
اميركا ، ما عادو يطيقوه لبوش بالفترة الاخيرة ، هل هالشي منعون وعطّل عليهون حياتون ونغّص عليهون معيشتون !؟
لاء !
لكان ليش نحنا هيك !؟
بتضلّو بتقولو ( شبعنا وعود وهات الفعل بئا ) ... طيب ليش ما بتشوفو حالكون متل ما بتشوفو غيركون ؟
يعني انتو بدل ما تضلّو عم تتابعولو حركاتو وسكناتو وهو مو عاجبكون ، بس لحتى تمسكو عليه شغلة وتجو تقولو " هه شفتو !؟ ما قلنالكون مو نفعان ! " .. ليش ما تكملو حياتكون عادي وتساعدوه لحتى ينهض بسوريا !؟
بعدين اصلاً كيف بدّو يعمل شي وما بيطلع قانون جديد الا جاهزين للاعتراض قبل ما نعرف شو هو واذا فيه مصلحة لسوريا ولالنا ولا لاء .. بتعترضو بس لانو المصدر " هو " !

كاتب النص الأصلي : Barleb

أما ليش كريم ..

كريم أنسان مثقف و لـ أبعد حدود ..
كريم كان ليبرالي .. و معارض لـ بعض سياسات الدولة ..
كريم سوري و ابن سوري و جداً عن جد .. ومن الشام ..
كريم لما قرر يعارض ( مدري أذا هل تعبير صحيح كتير ) .. ما كان همو أنو يقبض مصاري على الحكي يلي عم يحكيه .. لأنو وضعو المادي كان كتير منيح ..
كريم كان عم يحكي لـ مصلحة البلد .. لمصلحة سوريا ..
كريم أنسان ما بيقل الذل و ما بيحطا واطية لـ حدا ..

كريم انحرم من حريتو فدا الوطن و وضحى بـ أغلى شي عندو كرمال هل بلد ..

هاد الحكي ما بيتطبق على كل رجالات دولتنا الكريمة .. اللي همون الوحيد يعبو جيوبون و يأمنو حياتون لـ 500 سنة تاني ..

سبحان الله .. "قال عادتك ولا مستعيرتيها .. قال عادتي وطول عمري فيها "

وقت اللي كان كريم هون ، شوف " كم " المشاكل والشكاوي والاعتراضات اللي كانت عليه وعلى اسلوبو ..
و لمــّا غاب .. صار " كلّــنا كريم " ..
نفس الشي صار وقت طارق ...

ما عم احكي عنك ، بعرف انو انت معو من البداية .. بس حبّيت قلك انو مشاعرك تجاه شخص - بالذات في ظل هالاوقات والغضب العارم من اللي صار معو / فيه - ، ما بتعني تأهيلو ليكون رئيس ..