]مممممم ... بما أنو أنتي خاطفة الاضواء هلأ ..
انا ؟؟؟
1- بتحبي تكوني بدائرة الضوء ؟ جربتي شي هالشعور ؟
مو قصة بحب كون..لاء ..انا وقتا بكون عم اتصرف شي بتصرف كيف انا بكون.. يعني هاي انا....مثلا خود وقتا بكون عم غني.. كتير بحب العالم يسمعوا .. مو متل مرة عملنا حفلة ..كانوا العالم كتير مشوبين وهادا العم يهوي وهادا العم يقول ايمتا رح يخلصوا .(هللأ هني بجوز مو هيك عم يقولوا بس انا هيك خمنت) .
. اي غنيت بلا نفس... ومع هيك وقتا نزلت قالولي يعطيكي العافية وشي كتير حلو ومنهالحكي .
..انو انا ضمنيا عملت اللي عليي .. صحي مو رضيانة عن شغلي ..بس بالنسبة للعالم كان شي منيح..بجوز طلعت عن منحى السؤال ..بس حكيت الشغلة بالتفصيل...
2- من واحد لعشرة .. قديش بتعطي حالكـ علامة (يعني أنو عم تعرفي تتصرفي).. لما بتكوني بدائرة اهتمام كزا شخص ؟؟
7 وزيادة .. هللأ ..كل مرة شكل..مرات بيرفيكت..مرات داون.. مرات انو ماشي الحال...
3- صارت معكـ .. أنو كنتي بدائرة الاهتمام .. وكان في شخص بـ حد زاتو من جموع المهتمين .. هو الوحيد اللي بدائرة اهتماماتكـ ؟ (أنو مو ضروري شخص .. ممكن شخصة) ؟ و كيف أثر هالشخص على أدائكـ معهون . ؟
هللأ من فترة اي صارت... انو كان عنا مهرجانين ..وانتقسمت فرقتنا ..نص راح ع مهرجان المحبة مع الاستاز حمزة شكور....والنص التاني ع مهرجان صدد العراقة..هلأأ بيجي هاني بقلي صدية..قبل ما تنطق هاا
... اي المهم انا رحت ع مهرجان صدد لان كان عندي غنية لازم قولا.. قبل ما نطلع عالمسرح ولا بيجي شخص كان عندو تقديم فقرة تاني يوم..وانا كنت جاية تاني يوم مخصوص لاحضرو..بس ما كنت متوقعتو يجي يحضرنا... مين يا حزرك؟؟
شربل روحانا... يمكن نص اللي هون بيعرفوا هالقصة بس مو مشكلة بقولا وانا عم انقلا...
اي اجى ..وانا صرت نط..وقلو لاخي متخيل انت؟؟ رح غني قدام شربل روحانا..لك اللي كل يوم بسمعلو ..وبقول عنو مجنون ومععقد.. ويقلي اي مرروش بكرا طولي بالك رح تغني قدام اكبر منو.. هههه يعني يجحشني بزيادي..
المهم طلعنا عالمسرح ..وغنيت انا..هللأ كل اللي كانوا كوم ..وشربل روحانا ..وعازف ناي من صدد كتير بحبو.. وسميع شغلة.. وايلي خوري كوم تاني...
وقتا كنت عم غني.. صرت قول ..انو شو عم يقولو عني هدول؟؟ ..اخر شي ..صرت غني بلا وعي..يعني انو خلص انا هيك بغني عجبكن عجبكن ما عجبكن ما حدا قلكن تجي تحضروا... ههههه لاء اكيد لاء ..
بس وقتا نزلنا .. قلي الاستاز تبعنا برافو..وانو كان ادائي منيح..مع انو نص الفرقة غايبة.. بس كان كتير الاداء تبع الفرقة حلو..واخدت اصداء بشكل فظيع وقتا الشغلة..
لهون اوكي...
اي وازا داقت خلاقك من القراية يعني..
تاني يوم وقتا رحت احضر شربل روحانا..
ووقتا خلص وصلتو..رحنا نسلم عليه..ولا بقلي مرااام..انا هون
...
...
..ياي بيعرفني
..
اي .. قلي انو برافو صوتك حلو .. بس هم شي المتابعة...اي هاي كانت احدى مغامراتي الفنية..
ومن فترة كمان كانوا رشيد عساف وجورج قرداحي كمان سمعوني بس مو كتير بهموني قد شربل روحانا...
4- صار معكـ .. وقرفتي حدا ؟ حاولتي تلاقيلو أعذار ولا لأ؟
قرفت ..اي .. مع انو مو من عوايدي لو شو ماصار.. ..بس وقتا بكون شخص معك شي ..ومن وراك عم يعمل شي تاني..(متل الحكي ..وقول شغلات موصايرة).. لك شي بقرف.. لاء هوي حاول يحط اعزار ..بس انا ما لقيتا هاليا لطيف يعني...
بتحب تعرف مينو هاد؟؟؟ ..هوي مديري القديم بالشغل..
وياهلا...
سوري عالاطالة..