اقتباس:
كاتب النص الأصلي : *Marwa*
مم انا ما بحب الناس اللي بحملوا غيرهن جميلة بالعبادات اللي عم يعملوها للرب وخاصة انو الصيام اشي بين الرب وعبده وهاد الشي المميز فيه انو بتقدر تكون صايم وما حدا يعرف..اما ازا كان قصدك متلا انو حدا كل ما ييجي بدو يذنب يقعد يقول لا انا صايم او ما بدو يرد عليكي فبقولك اللهم اني صائم فهاي مش تحميلة جميلة بالعكس هاي احترام للصيام!
وانا بحترم رايك طبعا شكرا عالمرور الحلو
رمضان كريم  |
شكرا لرحابة صدرك ..
وانا بس حابة وضح شي حتى تكون الصورة واضحة ..
انا قصدت متل سواقة السيارة بتصير ملاطشة .. اذا بتحكي مع موظف بطلع روحك وعلى كشرة وتحميل جميلة انو بيشتغل .. وهيك .. بس اكيد مو الكل .. في ناس مع الصيام بتصير اروق .. وفي ناس بتكون عطبيعتها وما في احلى من هيك .. وأكيد الانسان احيانا بوضع متل الصيام ممكن يديق خلقو .. بس ما يكون هاد الطابع العام والنموذج للصائم ... لانو بيعكس صورة مو حلوة ابدا للصيام ولهالعبادة ..
ورمضان كريم الك ولجميع الصايمين ..
كل جنون بينكتب بالدم ..