اقتباس:
كاتب النص الأصلي : Barleb
لا تركز كتير على هيك شغلات ..
هدول أسمن مظاهر خارجية .. أنا ببيع وطنيات كتير كتير
|
بيعني شوي ..
اقتباس:
نيرفانا .. بعد أذنك ..
خليني أحكي شخصياً و على وطني .. سوريا ..
_
أنا كلشي عم ضر وطني فيه .. هوي اني
عم دخن دخان اجنبي و عم اشرب كوكاكولا ( احيانا ) و عم اشتري تياب تركية ( تهريب ) وهي نادراً
هاد كلشي عم ضر وطني فيه ..
بس ..
1- انا ما عم ساهم بـ نشر الفساد
2- انا ما عم اسرق أموال دولة
3- انا ما عم حطم مستقبل الألاف الطلاب و الجامعيين
4- انا ما عما دخل أجر غريبة و "وسخة" عـ البلد
5- انا ما عم اقضي عـ أمل الشعب بالحياة
6- ولاني عم دمر أحلام الألاف بتطوير الوطن
__
طيب .. مقابل شوو ؟
و عـ فكرة عما نتحمل .. كرمال الوطن .. و الوطن فقط
|
بداية اذنك معك ..
عفكرا بارليب هالشي هوي اللي بقصدو .. كل انسان عندو امكانيتو وطاقتو وظروفو .. يعني مو مطلوب من الكل يكونو ثورجية أو نشطاء أو .. أو .. أو .
ويكفيان يقوم البعض بدورهم على مستوى بسيط وبديهي متل ما زكرت قبل انطلاقا من ثقافة الانتماء ..
وانت كانسان ما عم
اقتباس:
1- انا ما عم ساهم بـ نشر الفساد
2- انا ما عم اسرق أموال دولة
3- انا ما عم حطم مستقبل الألاف الطلاب و الجامعيين
4- انا ما عما دخل أجر غريبة و "وسخة" عـ البلد
5- انا ما عم اقضي عـ أمل الشعب بالحياة
6- ولاني عم دمر أحلام الألاف بتطوير الوطن
|
بتكون قمت بدورك حسب طاقتك وامكانيتك وظروفك ..
واذا في ناس عندها طاقات وامكانات اكثر بكون دورها أكبر وهكذا .. وانا بحس لو انو كل انسان يقوم بدورو على هالمستوى البسيط بتكون الدنيا والوطن بخير ..
قلتلي مقابل شو .. مقابل ولا شي ..
يمكن مقابل نحافظ على قطعة من الوطن لانو وقت تصير انت بلا وطن وأنا بلا وطن .. مين رح يقبلنا .. ما حدا رح يقبلنا .. ولا انت ولا انا بنرضا نعيش موطيين راسنا لغيرنا ..
مقابل هالكلمة الي معلقة بقلوبنا وعصدورنا متل القونة .. شو ما نحكي ونقول بتحس انو الوطن جزء منك وفيك .. ولو ما كنت حاسس ..بمر عليك لحظات بتوعى على قيمتو عندك ..
مقابل احساس كتير حلو انو الك بيت وارض واهل واصدقاء وذكريات .. كلهم عتراب الوطن ..
يعني وحتى لو بدون مقابل .. بس يرجع الوطن وطن بيرجع يعطيك متل أول واحسن .. بس شو ذنب الوطن باللي عم ياكلو الوطن ...
كل جنون بينكتب بالدم ..