[اممي]

المقلب الي اكلت انا السنة الماضية كانت بنقلة بيت خالتي
طلعت مع شوفير هونداية مراح انسا اسمو (ابو سمير-الملقب بالطيوب)هاد ياسيدي ان المشوار كل على بعض مابدو اكثر من 150 ورقة للتجارة طبعا محسوبكن فتج اتحاسبنا قبل مااطلع (طبعا بعد ماسمعني سمفونية قد مابدك استاذ و كيف بتريد بيصير)المهم اتفقنا عالمبلغ وطلعت بعد اشوي بلش يحكيلي عن ولادو وكيف ان بدو يشتريلن جواريب عالعيد وكيف ان ماعم يقدر يشتري دفاتر للولاد(هون انا حطيت ايدي عالجيبة وسالت حالي اذا العيد بلش)المهم بعد 300 متر وقفنا الشرطي و...كل عام وانت بخير ما اتعايد الرفيق غير 50 ليرة المهم قتل للشوفير ولايهمك انا بدفعها ,مابشوف غير قلي اي ومشان الولاد؟قلتل خير قل يعني بترضاها بيظل بلاعيدية
قلت لاالله اللاالله(كانت اول مرة بحكيها من قلبي) ياعمو انا طالب يعني منشوح شلح جيبتي قال مافي بد ال150 تزيد 25 وعم تتخيل ان نقاش حاد لمدة ربع ساعة عال25 اخرشي عطيتيها قبل ما انزل قلت خطي ..
بعد مادفعت الاجرة قلتل عم البيت بالطابق الاول وانت شايف اني لحالي فاذا بتريد بتنزل الغراض معي وبكون ممنونك
تعرف الملقب بالطيوب شو قلي ؟قلي عم انا شوفير هونداية مني حمال بدك شي الله بيحمل معك
وكل عام وانت بخير استاذ
قام حسيت اني استااااااااااااااذ عنجد