شايف شايف ... شايف وين عم بيصير الخلاف ..
انت حبيب بتتعامل بالكيلو .. "خطبت سيدة اعمال معروفة " هاي كيلو ..
اما انا فبتعامل بالغرام ..
1"خطبت"
2"سيدة اعمال"
3"معروفة" ..
هلق في احتمال نقلب على النانوغرام .. وقتها بيصير
1-10 خطبت .. ايمت وكيف وليش وليش ما عزمتنا ولاه ..
10-20 سيدة اعمال .. سيدة سيدة ولا آنسة ولا سيدة ورجعت انسي! اعمال شو .. حرة مثلا؟؟ اعمال حربييي .؟؟ اعمال من قبيل عاملك عمل .. الخ
20-30 معروفي .. بشو .. معروفي بالمجتمع كلو ، ولا بمجتمعها .. معروفي بالمنيح بالعاطل معروفي مشموسي ولا معروفي مشهورة ..
--
اما عن صحة الخبرية من عدمها بيعود للمصدر،
انت مصدرك موثوق شي؟؟ (طبعا هون اقصد بالغرام مش بالكيلو، يعني هل يا ترى الي خبرك بموضوع الخطبة نفس المصدر الي خبرك بموضوع كونها سيدة اعمال نفسو هوي الي خبرك بإنها معروفي؟؟ )
او تم تجميع الخبرية بمعمل محلي من عدة مصارد .. ؟؟
واذا كان و المصدر موثوق فليش عم تسألني لكن ؟؟ واذا فرضنا المصدر غير موثوق .. ليش كمان عم تسمعلو ..
شغلة شغلة .. معقدي كتير..
يا اخي شو بدك بس الخاطب غير المو خاطب .. بتحس الدنيا بلشت تفصفص حالها مدري كيف .. كنت بالشوال تزين قلبت على نصك يا عمري.. و صار النانوغرام يفرق معك ..
انشاء الله يا رب كلكون بتخطبو وبتفكو بتخطبو وبتفكو بتخطبو وبتفكو كتير كتير كتير .. و انشاء الله يا رب يفضل الخطبة على اهل العروس.. و خلي هال الشباب ينبسطولون كام حفلة كام عزيمي ببلاش حاجي على الطالعة والنازلي دفاع يا معتر ..
منرجع لموضوعنا شو كنا عم نحكي ؟
