انو لهلق اسا ما عرفت شو هيي الجريدي الي كتبت هالمقال؟
الشباب هون ما اصرو .. من اممي لبريف هارت لسمسوم لتالين لمحمود... عراصي الشباب والصبايا الطيبة
مع انو عرفنا بالظبط شو كاتبة هالمجلة
بس انو يا اخي بغض النظر شو كاتبي بالظبط , بشكل عام معا حق بالفكرة
يعني مثال كتير صغير . وقت نحنا من كون بسوريا وبدنا ناخد فكرة عن السعوديين مثلا, منتطلع عالسعوديين الي عنا ومناخد الفكرة منون ..
وبالمانيا هيك, يعني بدون ياخدو فكرة عن العرب . رح ياخدوا من العرب الي هون
ويخزلي العين في منون ما مقصرين .. وخاصة اذا الواحد راح عالمدن الكبيري من برلين لهامبورغ لهانوفر ...
يعني انا شفت بعيني كيف العرب ما شغلتون غير انون يلحقو البنات . ويتاجرو بالمنوعات ..
وهدول اغلبيتون من العالم الي مستقرين هون .. يعني مهاجرين لهون او لاجئين
وهدول في منون شغلات بتسود الوجه
بس انو اذا اتطلعنا عالطلاب العرب الي هون .. فبيكون احسن بشوي ... يعني اد ما كان الطالب بيضلو متعلم وعندو دراسة ملتزم فيا
واصلا ما بعرف ليش هيك كتير متدايقن او كأنون حكو شي غلط؟
يعني ما اختلفنا انا وابن عمي عالغريب .. وانا واخي عابن عمي ..يعني لازم كلنا ( كعرب ) نوقف ضدون ( كاجانب)
بس انو " الانحلال الاخلاقي " عنا ضارب جزورو عنا وبقوي كمان
يعني مثلا من الشغلات الي انا بكرها بالالمان
وقت بتكون قاعد معون, وواحد منون بيكون عما ياكول بطاطة مثلا .. عادي كتير انو ما يضيفك ( يعني انو انا ماني متدايق اني ما اكلت بطاطة , بس انو هاي الفكرة عنا كتير كرهة وقت الواحد بياكول او بيستخدم شي شغلة بدون ما يسال الباقين)
او مثلا انو لما الواحد بيسأل شي شخص عن مساعدة بشي شغلة , عادي كتير انو يقلك انو مانو فاضي , مع انو نحنا حتى لو كنا مانا فاضين منأجل شغلنا مشان نساعد العالم
ليش هيك حاسس حالي طلعت كتير عن الموضوع!؟
اي منرجع لعنا ..
يعني ما بعرف شوفي شي بيدل عنا على الرقي و تماسك ( عكس الانحلال ) الاخلاق عنا
شو بدنا نحكي عن احترام البنت مثلا؟ يعني البنت اصلا كلى على بعضا ما شايلينا من ارضى .. ما هيي كلى عورا
وبس نشوف بنت بالشارع بيصير حنكنا بين رجلينا ولسانا بيدق بالارض
ولما بالصدفة مثلا واحد مننا بيضطر انو يحكي مع بنت وش لوش ( يعني ما بس تلطيش من بعيد او شي ضربة وهوي راكب عالبسكليت ) بتلاقي بطل يعرف يحكي عربي وبيصير كل سبع كلمات تطلع بكلمة وحدي
اما مثلا رقي الفكر بالنسبة لاخونا الانسان بغض النظر مين هويي او شو معتقداتو او شو تفيكرو او بمين بيأمن او منين جاي
اما حب احترام القانون الي نحنا مافينا نعيش بلا ومنحترمو فوق روحنا
بس الواحد يساوي شي غلط بالشارع بالمانيا ما بيخاف بس من الشرطي, بيخاف من اي شخص لانو بس يشوفك اي شخص عادي عما تساوي شي غلط رح يعيط عليك ويقاتلك ( مع انك ما ساويتلو شي شخصي بس ساويت شي غلط بشكل عام ( مثل واحد ماشي بالسيارة بسرعة , او راكب عبسكليتي مافية ضو او الخ ... ) وهاي الشغلة بس تصير عنا منصير وقتا عالطريق الصح .. بس اسا مطولي كتير لتصير)
ما بعرف شو بدو يحكي الواحد عن الاخلاق العربيي الي بترفع الراص, من قتل الاخ لاخو مشان الورثة او المنصب , للفكر العالي الي عنا وقت منفكر انو نحنا احسن شعب وكل العالم الباقين غلط وبعدين منقول عن باقي العالم انون بيقولو عن حالون " شعب الله المختار " لك خلينا نكون اول الشي شعب, بعدين منشوف اذا منصير شعب الله المختار
واخر الشي بيحز عقلبنا لما بيقولوا اننا شعب منحل اخلاقيا
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia