ما بعرف إذا حدى عنده علم بالقصة يلي صارت بالمدينة الجامعية .
رح أحكيلكم عن هالحدث المأساوي يلي صار بالمدينة الجامعية بدمشق ،
ويلي
تم التكتم على أحداثه من قبل وسائل الإعلام ، ليش ؟؟؟؟ الله أعلم .
تبدء أحداث القصة ، في غرفة أحد الطالبات في المدينة الجامعية ،
وكعادته كل مساءتجتمع هي ورفاقها، لتبدء السهرة ،
ويعني لا أخفي عليكم ، سهرات هالبنات تختلف نوعاً ما عن السهرات
الأعتيادية ، المهم وبنص السهرة والبنات عم يلعبو شدة ،
وهي يلي عم يدخن ، وهي يلي عم تفصفص بزر ، وهي يلي عم تسمع المسجلة
وهي يلي عم تحاكي حبيبهاعالموبايل ،
وحوالي شي الساعة الثانية ليلاً ، ومن كلمة لكلمة ، بين البنات يلي
عم
يلعبو شدة ، وهي يلي عم تقول انتي خسرانة ، والثانية بتقول لا انتي خسرانة،
قام راحت واحدة من البنات ، وأخذت ورق الشدة ، ورمتون على المنور تبع
البناء ، قام عصبت واحدة من البنات وقام تخانقت هي والبنت الي رمت الورق
وعلقت وبتعرفوا علقت البنات كلها شد شعر وصريخ
خناقة طويلة عريضة ،
قام شعر الحرس الجامعي ، وأمن الجامعة بوجود مشكلة وعلى الفور ، طلعو
عالغرفة يلي عم تصير فيها الخناقة ، وطلبو الهويات الجامعية ،
وقعدو مشان يفهمو القصة وليش في خناقة ،
ومن سياق الحديث واحدة من البنات عم تقول للضابط : سيدي الله وكيلك
بسيطة ، الخناقة كلها كرمال لعبة شدة ،
قام قال الضابط ، وين الشدة ،
قالت البنت رميتها عالمنور
الضابط عالمنور مو هيك ، مممممممممم هلق منشوف
بيقوم بيطلب الضابط من العناصر يلي معه أنه ينزلو عالمنور ، ويتأكدو
من
القصة .
بينزلو العناصر عالمنور ، وأول ما بيوصلوعالمنور ، يقفوا مذهولين من
هول المشهد ...... مشهد تقشعر منه الأبدان
جريمة لا تغتفر . أربع شباب
أربع شباب، يبدو أنهم قتلو جراء السقوط من مكان عالي .....
أربع شباب
شب الكوبة
وشب الديناري
وشب البسطون
وشب السبات
