العمى مين هاد اللي جاي من بعيد
شو عم تعمل انت هون
عم اتحمم .. يعني شو شايفني عم اعمل
عم تتخوت ولا .. بعدين شو هاد اللي قدامك
كازوزة شو شايف انت علبة اسيتون مثلا قنينة جن
بعدين شو دخلك انت شو قاعد ببيت اللي خلفك
خراس ولاك انا مخابرات
دولية ومحلية
عم تتمسخر عالحكومة كمان
لاعمي ماعم اتمسخر عالحكومة
عم اتمسخر عليك ما تصغر
شو مفكرني سكران ولا سكران
اي طيب هلئ بنشوف بالفرع امشي قدامي
لك شو امشي قدامك روح عمي روح مااطيرلي سيكارة الحشيش من راسي
عم تشرب حشيش كمان ..
ليش ممنوع ...
اي طبعا ممنوع شو وين مفكر حالك انت بامريكا
لا والله بالشارع .. والشارع حق عام ولهيك انا قاعد هون
قوم اتحرك بلا اشحطت متل الكلب
لك روء ليش معصب علينا .. بس بدي اسئلك سؤال
شو بدك احكي ؟؟؟
هلئ انت شو دارس:...؟؟
للتاسع .. شو بدك بهالعلاك هلئ
طيب معلش بس سؤال تاني ..؟؟؟
لك تصرعني هلئ اوم اتحرك قدامي
ياعمي سايرني على قد عقلي مابتعرف انو لازم تساير السكران
شو بدك تسئل خلصني ؟؟
انت ليش اطوعت بالمخابرات يعني وماكملت دراسة
لك عمي شو بدي اعمل اذا كملت دراسة اذا التاسع ويادوب وشو بالك بقى اذا كملت للبكلوريا
كمان بدك تعيد كم سنة لتجيب مجموع متل الخلق وبعدين بدك مية واسطة ومليون هدية لتدخل الجامعه
او بدو يكون النفضك ورتان عن جدك الاقطاعي شي ورتة او يكون شي نصاب على قدو
بعدين دخيلك اذا خلصت الجامعه شو بدي اشتغل ..هون
خليها لربك والله انك حطيت ايدك ع الجرح ..
روق عمي روق خدلك ضربلك سيكارة حشيش وانسى
كان اسمه.. .
لا تذكروا اسمه!
خلوه في قلوبنا...
لا تدعوا الكلمة
تضيع في الهواء، كالرماد...
"We ask the Syrian government to stop banning Akhawia"