يالطيف شو كنت مخبي بقلبك طول هالوقت؟؟؟
الله يعينك يا قلبي شو شايل هم
ياغالي
أنا من جهتي ما بشجع الضرب
لكن كمان ما بشجع انو الطالب ياخد وجه على المعلم
يعني كلنا بنتزكر من أساتذتنا الحازم اللي كنا نخاف نجي على المدرسة ومو كاتبين وظائفنا
وبنتزكر الأستاذ العطوف الطيب اللي كنا بالأسبوع مرتين أو تلاتة ما نكتب وظائفنا شي بحجة مرض الام شي بحجة مرض الاب او احد الأقارب ومن هالحجج اللي كان المسكين يصدقها على أساس انو الطفل بعدو خام ما بيعرف الكزب
ومن ناحية دكاترة الجامعة ياغالي
كلنا بنعرف انو أقسى محاضرة بيصير فيها شغب أكتر من الصف الأول يعني اللي بيجي متأخر واللي بيطلع بنص المحاضرة لك ياعمي وين هيبة الدكتور اللي نص طلابو بيتحاكوا بمواضيع الحياة وهموم الجامعة وقت المحاضرة والنص التاني شي ماسكلي موبايلو وعم يبعت بلوتوث واللي عم يرسم واللي واللي واذا ضل حدا بالو عند الدراسة بيطلع بنص الوقت
أنا من جهتي بشجع الحزم - رغم انو الحزم خلى قياس ايدي ورجلي دبل
أنا كنت أشغب طالب بالابتدائي وما كان يمر يوم علي بدون ما أمسك حديد الدرج مشان خفف آلام الخرطوم عن ايدي وياما آكل فلقات لك ولما صرنا بالثانوي وصار في عطف ولين كنت بقضي نص السنة الدراسية جنب الادارة ملطوع عقابا على أفعالي والنص التاني من السنة ملوع الاساتذة بالشعبة
يعني أنا وبلا فخر أكتر واحد تعاقب بالمدرسة
طبعا اللي سبق رأيي وهو رأي شخصي مقدس بالنسبة الي بتمنى ما حدا يعارضني او يحكي ولا كلمة واللي بدو يعارض خليه يحمي ايديه استعدادا لنيل عقابو العادل
تحياتي غود (براذر
)
الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن
أرنستو تشي جيفارا