معليش معلم، بدك تحاول أكتر، وحاول تكون الخطوط جريئة، يعني لا تتردد وانت عم ترسم الخط، وحاول تكون ايدك ثابتة عالورق
وبالنسبة للتظليل، كمان هالموضوع بدو تمرين كتير، وحاول ظلل باحدى الطريقتين
خطوط مائلة متوازية, وباتجاه واحد فقط، يعني مابيصير تظلل مكان بخطوط مائلة 45 درجة (تقريبا) ومكان تاني تظلله عموديا او افقيا، وكل ما بدك الظل يكون قاتم اكتر بدك تقرب الخطوط من بعضها اكتر وكمان بدك تضغط عالقلم اكتر، والعكس صحيح، وممكن هالشي كمان يصير عن طريق استخدام اكتر من قلم،(الاقلام الها درجات مثل HB
B1, B2, B7 ... الخ، وكل مازاد الرقم زادت درجة (الغمقان) او (القتامة)
الطريقة التانية بالتظليل هي عن طريق الخطوط المتصالبة، يعني بظلل اول شي بخطوط مائلة مثلا 45 درجة وبعد ذلك اظلل بخطوط فوق الخطوط الاولى بعكس الاتجاه، وكلما اردت ان يكون الظل قاتم اكتر اضيق المسافة بين الخطوط وفي الاتجاهين، وبالعكس
انشالله كون قدرت وصلك الفكرة
بالنسبة للرسمة الاخيرة، حلوة، بس بدي اسألك، راسمها من مخيلتك ولاّ ناقلها من صورة او من الطبيعة؟؟
لأنو في بعض الاماكن فيها المنظور مو كتير دقيق،معليش انا آسف مابدي بس امدح شغلك لحتى ما تستمر الاخطاء
وبشكرك كتير انك عم تتقبل ملاحظاتي، وبقلك مرة تانية انو انا مو رسام وانما هاوي رسم وعندي شوية معلومات قديمة جدا عن هالموضوع
ملاحظة اخيرة، الشي اللي كتير حلو برسماتك انها بسيطة وغير معقدة، وهالشي كتير مهم.
يللا بقى شد الهمة وفرجينا شي لوحة غير شكل
واحلى وردة
