[محمد ابراهيم]

كاتب النص الأصلي : hanny dagher

خيو قبل ما بلش احكي وطالما انتي عم تقول انو قسمك المفضل هوي السقيفة
انتي يا استاز محمد اخر رد الك كان بالسقيفة قبل ما تبلش سلسلة مواضيع الاعتصام كانت من اسبوعين
يعني لو حضرتك متل مانك عم تقول قسمك المفضل السقيفة كنت ما تركتو فترة هالاسبوعين بدون ردود وبدون مواضيع

انا ما قلت قسمي المفضل
ولو ينفع اقول قسم مفضل رح اختار مجموعة اقسام من بينها السقيفة (حتى الشغلة نسبية من وقت لوقت بترتاح لمكان معين او لموضوع معين)
بس الاكيد انو السقيفة قسم مهم والو مكانة بقلبي

ثانيا بما يخص مواضيع السقيفة
السقيفة من اول ما عرفنا الاقسام

درجة تانية : مايلي :
1 - السقيفة : تحتوي المواضيع المكررة مواضيع العلقات مواضيع ما الها طعمة كلها منزتها على السقيفة
2 - المعتقل : هون بيقدرو يكتبو الاعضاء المحظورين


واللي ما بيتزكر هالتعريف او ما قريه


يعني من اول ما خلقت السقيفة معرفة انها محل للبضاعة البايظة مواضيع مكررة مواضيع ما الها طعمة مواضيع اللي ما بتناقش شي يعني فيك تقول مسنجر اخوية (مع وجود بعض الاختلاف عن المسنجر العادي )

اللي صار انو بعض العالم اللي راكضين ورا الالقاب واللي بيعملو عرس وقت بينتقلو من اخ لهلوب لاخ مستشار لاخ ما بعرف شو اسا كمان صارو يحاولو يجمعو مشاركات اكتر من ورا طق هالحنك والثرثرة هاي او من ورا المسنجر

بالنسبة الى "السقيفة : تحتوي المواضيع المكررة مواضيع العلقات مواضيع ما الها طعمة كلها منزتها على السقيفة "
هاد كان سبب انشاء السقيفة ولسا لهلأ بعض المشرفين والامناء بيتعاملو مع السقيفة بنفس المنطق لانهم ما أهتمو يتابعو تفاصيل السقيفة على مدار سنتين فاتو او خلاص هاد سبب الانشاء شو رح يحصل مثلا !!! مافي شيء رح يتغير على سبيل المثال ,
من هالعالم مجود ومع ذلك بحترمها جدا جدا جدا لانها شخصية محترمة وانسانة صادقة بقول هالحكي لانو عارف اسلوبها في النقاش واتحاورت معها من قبل بكتير مواضيع وعارف كتير من صفاتها اللي بتظهر بالمنتدى اثناء النقاش او من التصرفات , المهم انو مع ذلك بحترم تصنيفها وتقييمها للسقيفة لانو فعلا سبب انشاء السقيفة كان هيك .
لكن يا جماعة شو صار بعدين بالسقيفة ؟؟؟؟؟ اتغير الوضع والعالم صارت تحط مواضيع ببعض الاحيان جيدة جدا جدا او على اقل تقدير جيدة (طبعا في مواضيع كتير لا جيدة ولايحذنون بل ضعيفة المستوى ) هيك الواقع
بس بدي اقول انو نحنا (المقصود بنحنا مجموعة كبيرة من الاعضاء منهم من رحل ومنهم من بقى) صنعنا سقيفة جديدة بمواضيعنا وبمشاركاتنا انا بعتبر نفسي اقل واحد من هالمجموعة اقل واحد حط مشاركات وصاحب اقل مستوى في المشاركات (ماعندي مانع ومابيدايقني ابدا انو قول هيك)
من هالمواضيع مواضيع لعالم كتير متل جاد ومتل هاني وموضوع شو منشان الانقراض ل ليندا ومواضيع تانية كنا بنشاور فيها مشان اقتراحات او شغلة ما عجبتنا او نتحاور حول موضوع عجبنا او ما عجبنا وشغلات كتير حطيناها بالسقيفة وما كنا بنعتبرها مواضيع مكررة أو مواضيع العلقات أو مواضيع ما الها طعمة
بكل الأسى ننعي إليكم مـــــوت "نهنوف"
موضوع حطو الحكيم (يللي عمل المنتدى) ما كان مكرر ولا علقة و مو مجاملة هالحكي ,بس الموضوع ما تقدر تصنفو انو مالو طعمة (بس موضوع مميز واول مرة نشوف متلو ولذيذ) يعني بلش يحصل تغير الى حد ما في النظر الى السقيفة على انها مو بس مكان للمواضيع المكررة أو مواضيع العلقات أو مواضيع ما الها طعمة وهاد من قبل عالم الها وزن كبير باخوية , ورح تكون مصيبة بالنسبة الى اذا طلعت غلطان وكان الحكيم رأيو انو الموضوع مالو طعمة وحطو اصلا .على كل حال مارح احكم من خلال موضوع الحكيم بس
في مواضيع كتير كما ذكرت منها على سبيل المثال شو منشان الانقراض وموضوع تاني رائع اسمو افكار تحشيشية
طبعا في عالم رح تفكر انو ماذكرتها يبقى ماشاركو بمواضيع جيدة (انا قلت امثلة مامعقول اسرد كل المواضيع)

وبنفس الوقت انا متفق معك انو في مواضيع بالسقيفة (مواضيع كتير) بايخة ومكررة ومالها طعمة

بس مو كل مواضيع السقيفة هيك (هاد راي ظالم )إن كان هاد رئيك اصلا !!

هلأ انتي يا محمد وقت بتحكي عالمسنجر مثلا ان حكيت قليل وان حكيت كتير بتبعتلك مايكرو سوفت مثلا وبتقلك والله يا ابو حميد انتي عم تشتغل على هالمسنجر وعم تحكي كتير ولسانك ما عم يفوت لحلقك مشكور كتير وهاي رح نزدلك حجم الايميل تبعك شي ميتين ميغا بايت بفرد ضربة اكيد لاء
وهون نفس الشي ما حدا بياخد علامات او نقاط او القاب او شو ما بدك سميها اذا بس دخل وحطلو وردة او حطلو كلمة شكرا او او او
ما بعتقد انك انتي بترضى انك تساوي واحد عم يفوت على السقيفة ويشارك بالسقيفة ويسجل مشاركات بمعدل 50 مشاركة بالنهار مع واحد عم يبحبش وينكوش بالكتب مشان ينزلك كتاب تستفيد منو او ينزلك معلومة تستفيد منها او واحد عم يفتح معك موضوع نقاش يخليك تروح تشغل مخك

اولا في عالم الها جزء لا بأس فيه من المشاركات بالسقيفة لا حطيت كلمة شكرا او ورود بمشاركاتها بالسقيفة وحطيت مشاركات جيدة في حين انو رح تلاقي بالصالون وباكتر من قسم ردود متل مشكور وشكار وورود (ومشاركات محسوبة والحياة بمبي وميت فل ) هاي مو مقياس , ومع ذلك انا معك وانا ضد هالمشاركات وين ماكانت بالسقيفة وبالصالون وبالمنبر وبكل قسم (بس مافيك تلغيا ) هي مشاركات غير حقيقية بس مشاركات !!!

بالنسبة لمعدلات المشاركة اللي فوق ال50 باليوم من ورا السقيفة هاي ما النا "كاعضاء محترمة" باعتباري واحد من ضمن مجموعة محترمة كانت بتشارك بالسقيفة , ما النا دخل بهالقصة ومو معقول نتحاسب على ذنب ما عملناه !!!!!

نحنا بقرار عدم احتساب مشاركات السقيفة ما عم نقول للعالم روحو شاركو باقسام تانية نحنا بالعكس عم نقلن يا شباب فيكن تشاركو بالسقيفة وحكو بالسقيفة وطقو حنك بالسقيفة قد ما بدكن بس بالنهاي ما رح تتحاسبو متل ما بيتحاسبو الشباب البقية

وهاد ظلم لانو في مشاركات النا داخل السقيفة بتكون اكتر قيمة وافضل من مشاركات برا وفي كل الاقسام اللي برا (طبعا سهل اثباتها اذا طلبت مني) رح اجيبلك امثلة بالعدد اللي تحددو مهما كان كبير

بدي اكد على شغلة انو الالقاب يا اخواتي ما بتعني شي مو معناتا انو انتي مستشار يعني انتي افهم من اللهلوب او انك افهم من اللسا يا دوب
في عالم اسعتها لهاليب وصارت مشرفة لانو عرفت وين تحط مواضيعها وعرفت وين تحط ردودها وطبيعة ردودها وطبيعة مواضيعها كانت اعلى من حدود السقيفة واعلى من حدود طق الحنك
وفي عالم قطعت حدود المستشار بالفين وتلت الاف مشاركة واسعتا لهلأ اعضاء عادية لانو مشاركاتا كانت عبارة عن طق حنك

في عالم بتعرف تحط وين مواضيعها وبتعرف تحط وين ردودها وعندها مشاركات بالاف وماصارو مشرفين فقط لانهم ما سعو انو يكونو مشرفين ,بعني بوقت من سنة ونص كان الاشراف بتحط الو اعلان وفي استمارة بتعبيها وبعدين الادارة بتشوف مدى صلاحية العضو للاشراف , في عالم ما عبيت هالاستمارة (يعني ما سعيت للاشراف) وبتعرف تحط مواضيعها وين ,
للاسف انتا فاهم غلط , انو المشرف افضل من العضو او بيفهم احسن منو او اكتر ذكاء منو وهاد مانو حقيقي
في مشرفين تحت مستوى كتير اعضاء (وتحت المستوى بشدة) وانتا بتعرف منيح هيك , مافي داعي اذكر اسماء واجرح في حد مالو اختيار عالاغلب انو يصير بطاقم التنسيق ماعمل شيء مشان يستحق مني هيك .
انا بس بدي اقول انو معيار انو المشرف افضل من العضو هاد مو صحيح على الاطلاق في شيء اسمو صلاحيات مشرف والتزامات مشرف + كونو عضو على عكس العضو يعني القصة كلها بالصلاحيات والالتزامات ,
وانا بعرفك بصفة شخصية عمرك ما عاملت حد باستعلاء او على انك احسن منو لانك مشرف ,بس بعلق على هالجملة فقط لاغير .

كلمة اخيرة : كلنا فينا نطق حنك وكلنا فينا نرد بردود شكرا واهلين ومية وردة وكلنا منحتاج لنرد هيك ردود بكتير احيان بس ما تصير هاي الردود او يصير طق الحنك هوي الهدف الرئيسي النا ونتناسى كتير اشيا
اخوية الها هدف واكيد هالهدف مو دفع العالم لتصير شاطرة بطق الحنك
بعرف حكيي ما رح يقنع حدا بس حبيت قولو

لو شايف ردودنا بالسقيفة هيك يبقى انا متفق معك بس يا زلمى الك والي ولجاد ولعالم كتير ردود بالسقيفة
بعضها جيد وبعض عادي وبعضها ماكنا موفقين فيه وهيك كنا بباقي الاقسام كمان على ما اعتقد كان النا ردود بعضها جيد وبعضها عادي وبعضها ما كنا موفقين فيه (صحيح النسب بتختلف من قسم لقسم ) واوضاعنا بتتغير في قسم عن الاخر (يعني بقسم ما ,ممكن تكون معظم الردود جيدة )بس القاعدة العامة واحدة .
على كل حال بتبقى ارائك عزيزة جدا عليا وبتضل معزتك في قلبي متل ماهي مهما قلت ومهما حكيت .
وتاكد انو مارح ازعل او اضايق من اي حرف كتبتو او رح تكتبو بالعكس بكون سعيد جدا وانا بحكي مع شخص علاقتي فيه متميزة جدا دونا عن باقي العالم (وهاد تصريح ذكرتو بمواضع كتير في خلال فترات طويلة يعني مو مكتوب هلا لاول مرة (انو علاقتي فيك متميزه جدا جدا واني بعزك جدا جدا والك مكانة خاصة بقلبي )