اقتباس:
كاتب النص الأصلي : محمد ابراهيم
* اولا ليس لنا مطالب للادارة بمعنى أخر نحن لا نحتج او نعتصم او نشجب من أجل تغير القرار الجديد(الا وهو ايقاف احتساب مشاركات السقيفة؟)
وليس هذا الاعتصام او الاحتجاج وسيلة لتغيير القرار الجديد
-إذا لماذا نعتصم داخل السقيفة؟ وهل من الممكن ان نحقق شيء ام الحال كما يحدث دائما في الاحتجاجات والاعتكافات السابقة (التي لم اشترك في اي منها ) ؟؟؟
انا اقول لكم ما الفارق بين الاعتكافات السابقة والاحتجاجات السابقة وبين الوضع الان وما يحدث الان من اعتصام واحتجاجات ,
قديما كان الاحتجاج والاعتكاف بغرض ان الضغط على الادارة لتحقيق مطلب او بعض مطالب المعتكفين او المحتجين
وهذا ما كان يدفع الادارة لتجاهل مطالبهم مهما تكلف الامر ومهما خسرت الادارة من وراء تعسفها (بالمشرمحي مشان ما يجي كل شوي كم واحد يعملو احتجاجات ويعتكفو ويحطو كم مطلب للادارة ) وساعتها الادارة مارح تلاحق على مطالب المعتكفين وبيكون وضع صعبجدا للادارة
اما عن التاريخ, بيثبت انو ولا اعتكاف غير قرار واحد او حقق مطالب واحد !!!!!!
أما الان وتحت الوضع الجديد فان القرار الذي تم اتخاذه ونحن جميعا نرى انه غير عادل وسريع ومتهور وغير مدروس بالاضافة الى انه اعتدى على مشاركات لجمع من الاعضاء بالاضافة للقسم المفضل لدي كثير منهم ,
ولما كان من اهداف القرار الرئيسيه الغاء حافز المشاركة عن طريق عدم احتسابها بهذا القسم ومن ثم الخروج من هذا القسم "السقيفة" والمشاركة بباقي الاقسام فاننا نرى انه عند الاعتصام بهذا القسم وعدم المشاركة خارجه نكون قد ضربنا القرار في مقتل وذلك حيث اننا لم نخرج من القسم الذي نحبه كما اراد القرار ان يفعل بنا , بالاضافة الى رد الاهانة التي قد تلقيناها ردا قويا مؤلما وذلك بعدم المشاركة خارج قسم السقيفة (وبذلك نكون قد جعلنا من القرار عدوا لنفسه )
قد هاجم نفسه بنفسه وبدل من ان يبعدنا عن السقيفة قد زادنا قربا منها وبدل من ان يقربنا الى الاقسام الاخرى قد ابعدنا عنها .
نحن حاليا وقبل ذلك ليس لنا مواقف شخصية ضد احد ونسعى دائما لعدم تبني اي مواقف شخصية ضد اي احد (كل مافي الامر هو اعتراض على "قرار" )وسنفعل ما بوسعنا
لاننا لدينا ارادة بالمشاركة باي قسم نريد ولا تسمح لنا كرامتنا بان نقبل أن تعاملوا مشاركتنا بذلك القسم على انها "دون المستوى"
أخي بالاخوية كن ايجابيا وانضم لحركة الاعتصام بالسقيفة "ارفع راسك وحرر ارادتك وشارك بالقسم الذي تريد وامتنع عن ما تريد واكسب احترام نفسك قبل احترام الاخريين "
*تنويه ان للاعتصام اجل بمعنى انه لن يكون دائم (وخلال تلك الفترة سوف نتشارك جميعا من اجل ان نجعل من السقيفة جنة بمواضيعنا وردودنا التي سنبذل فيها اقصى ما يمكن بذله لجعلها افضل قسم بالمنتدى بشهادة الادارة نفسها)
السقيفة صباح 30 أب 2007
|
لك محمد شو قصتك ؟ لك شو قصتك فهمني ؟
هاي صارو تلت مواضيع الك مشان قصة المشاركات بالسقيفة
خيو قبل ما بلش احكي وطالما انتي عم تقول انو قسمك المفضل هوي السقيفة
انتي يا استاز محمد اخر رد الك كان بالسقيفة قبل ما تبلش سلسلة مواضيع الاعتصام كانت من اسبوعين
يعني لو حضرتك متل مانك عم تقول قسمك المفضل السقيفة كنت ما تركتو فترة هالاسبوعين بدون ردود وبدون مواضيع
ثانيا بما يخص مواضيع السقيفة
السقيفة من اول ما عرفنا الاقسام
درجة تانية : مايلي :
1 - السقيفة : تحتوي المواضيع المكررة مواضيع العلقات مواضيع ما الها طعمة كلها منزتها على السقيفة
2 - المعتقل : هون بيقدرو يكتبو الاعضاء المحظورين
واللي ما بيتزكر هالتعريف او ما قريه
يرجع على هالموضوع ويقرا تعريف الاقسام
http://www.akhawia.net/showthread.php?t=41302
يعني من اول ما خلقت السقيفة معرفة انها محل للبضاعة البايظة مواضيع مكررة مواضيع ما الها طعمة مواضيع اللي ما بتناقش شي يعني فيك تقول مسنجر اخوية (مع وجود بعض الاختلاف عن المسنجر العادي )
اللي صار انو بعض العالم اللي راكضين ورا الالقاب واللي بيعملو عرس وقت بينتقلو من اخ لهلوب لاخ مستشار لاخ ما بعرف شو اسا كمان صارو يحاولو يجمعو مشاركات اكتر من ورا طق هالحنك والثرثرة هاي او من ورا المسنجر
هلأ انتي يا محمد وقت بتحكي عالمسنجر مثلا ان حكيت قليل وان حكيت كتير بتبعتلك مايكرو سوفت مثلا وبتقلك والله يا ابو حميد انتي عم تشتغل على هالمسنجر وعم تحكي كتير ولسانك ما عم يفوت لحلقك مشكور كتير وهاي رح نزدلك حجم الايميل تبعك شي ميتين ميغا بايت بفرد ضربة اكيد لاء
وهون نفس الشي ما حدا بياخد علامات او نقاط او القاب او شو ما بدك سميها اذا بس دخل وحطلو وردة او حطلو كلمة شكرا او او او
ما بعتقد انك انتي بترضى انك تساوي واحد عم يفوت على السقيفة ويشارك بالسقيفة ويسجل مشاركات بمعدل 50 مشاركة بالنهار مع واحد عم يبحبش وينكوش بالكتب مشان ينزلك كتاب تستفيد منو او ينزلك معلومة تستفيد منها او واحد عم يفتح معك موضوع نقاش يخليك تروح تشغل مخك
نحنا بقرار عدم احتساب مشاركات السقيفة ما عم نقول للعالم روحو شاركو باقسام تانية نحنا بالعكس عم نقلن يا شباب فيكن تشاركو بالسقيفة وحكو بالسقيفة وطقو حنك بالسقيفة قد ما بدكن بس بالنهاي ما رح تتحاسبو متل ما بيتحاسبو الشباب البقية
بدي اكد على شغلة انو الالقاب يا اخواتي ما بتعني شي مو معناتا انو انتي مستشار يعني انتي افهم من اللهلوب او انك افهم من اللسا يا دوب
في عالم اسعتها لهاليب وصارت مشرفة لانو عرفت وين تحط مواضيعها وعرفت وين تحط ردودها وطبيعة ردودها وطبيعة مواضيعها كانت اعلى من حدود السقيفة واعلى من حدود طق الحنك
وفي عالم قطعت حدود المستشار بالفين وتلت الاف مشاركة واسعتا لهلأ اعضاء عادية لانو مشاركاتا كانت عبارة عن طق حنك
كلمة اخيرة : كلنا فينا نطق حنك وكلنا فينا نرد بردود شكرا واهلين ومية وردة وكلنا منحتاج لنرد هيك ردود بكتير احيان بس ما تصير هاي الردود او يصير طق الحنك هوي الهدف الرئيسي النا ونتناسى كتير اشيا
اخوية الها هدف واكيد هالهدف مو دفع العالم لتصير شاطرة بطق الحنك
بعرف حكيي ما رح يقنع حدا بس حبيت قولو
