[أسير التشرد]

كاتب النص الأصلي : *Marwa*

شكرا ابو عمر على الموضوع انشالله يكون في تجاوب
أسير التشرد عندي سؤال شو الفرق بين السني (العادي متلي انا يعني ) والوهابي؟؟ لاني دائما بسمع انو السعودية دولة وهابية وانها مش بالزبط متل السنيين اشكالنا
بس بالنهاية حابة قول شغلي وهي انو لازم تتعاملوا مع الانسان كانسان بغض النظر عن دينه وطائفته(الحكي مش موجه لشخص او لشعب معين)...هلأ اكيد في ناس عندهن نوع من الطائفية بس مش المفروض مننا انو نعلمهن معنى التآخي؟ مش المفروض نكون قدوة الهن ونعلمهن معنى التعايش؟ شو الفايدة لما انتا بدك تكون مصّر على رايك وهو مصّر على رايو ؟ ساعتها ما رح تكون احسن منو بالعكس هالتشدد (مش بس لدين وانما لفكرة معينة) كمان يعتبر تخلف!

مرحبا...
اول شي بدي قلك انو شكراً ع تساؤلك عن الوهابية...
ولفهم معنى الوهابية...بالشكل الصحيح بدنا نرجع للتاريخ..وقراءة التاريخ منذ بزوغ الفرقة ...
نشأت هالفرقة ع يد محمد بن عبد الوهاب بن سليمان النجدي.. المولود بسنة 1111 هجرية..وتوفي بسنة 1206 هجرية..
ابوه واخوه كان من علماء الدين بالجزيرة... ومن بداية ايام دراسته بدء عليه سيرو ضد مسيرة ابوه ومشايخه.. حتى تم تحذير الناس منه..بمقولة معروفة تاريخياً..: سيضل هذا ويضل الله به من ابعده واشقاه..
وبسنة 1143 هجرية اعلن محمد بن عبد الوهاب الدعوة إلى مذهبه الجديد...وبذلك الوقت وقف ابوه وبعض المشايخ واخوه ضد دعوته...وما لقي دعوتو الرواج بسبب موقف ابوه بذلك الوقت... لحين وفاة ابوه بسنة 1153 هجرية..جدد دعوته بين الناس العوام فأنجر معو بعض الناس...مما خلى بقية الناس تثور عليه وكانوا ع وشك قتلو..ففر إلى منطقة العيينة وهنيك تقرب إلى أمير المنطقة وتزوج من اخت الامير، وضل فترة عند الأمير يدعو لدعوته ولنفسه حتى ضاق اهل العيينه منو فطردوه من بلدهم..فطلع ع الدرعية..شرقي نجد..(وتاريخياً هالبلاد كانت من قبل بلاد مسيلمه الكذاب ...) فلاقي الرواج لافكارو وامير هالمنطقة رحب به واتبع طريقتو ومذهبو..وبذلك الوقت كان امير المنطقة اسمو محمد بن سعود..
وكان تصرفو تصرف مطلق بالاجتهاد وما بيأخد من الائمة الاجتهاد السلف ولا المعاصرين...
وهالشي خلى اخوه سليمان بن عبد الوهاب انو يكتب كتاب ضد اخوه ودعوته...وقال عن دعوة اخوه..:"اليوم ابتلى الناس بمن ينتسب الى الكتاب والسنه ويستنبط من علومهما ولا يبالى من خالفه، ومن خالفه فهو عنده كافر، هذا وهو لم يكن فيه خصله واحده من خصال اهل الاجتهاد، ولا واللّه ولا عشر واحده، ومع هذا راج كلامه على كثير من الجهال، فانا للّه وانا اليه راجعون"..
خلاصة كلامي...انو هالفرقة...فرقة تقوم ع تكفير اغلب المخلوقات الانسانية..لسبب بسيط واللي هو معارضة افكارهم...وكفانا شهود وادلة بانو اغلب الحركة التكفيرية والجهادية ناتجة عن هالفكر المقيت...وشعارهم القتل لكل إنسان بغض النظر عن عمره...والسبي للنساء ..كون هالفكر مبني ع الرجوع إلى الاصول...وطريقة العيش حسب ما عاشوا اسلافهم من صحابة محمد...
ومن اتفه فتاويهم...منع المرأة القيادة للسيارات... كون المرأة تستثار جنسياً بالقيادة..حسب رجوعهم للنصوص عن النبي...

هاد كان مخلص بسيط وموجز ع مؤسس هالفرقة...
ولمعلومات اوسع عن الفرقة بامكانك مراجعة الكتب التاريخية...بتاريخ شبه الجزيرة العربية...وبامكانك الاستفادة من الانترنت للبحث...
ويا هلا...