اقتباس:
كاتب النص الأصلي : maged-syrian
السعودية سبب كل مصائب الأمة ... ومن ضمنها مصيبة أهل فلسطين اللي انتي منهم
|
اذا كان على مصيبة فلسطين فكل الدول العربية بما فيها الفلسطينيين مشتركين فيها!!
وكل ما بتيجي القضية الفلسطينية ببالي بفكر وبتزكر اديش العرب ضعاف وبنفس الوئت شايفين حالون على شي فاضي (سوري يعني لاني بحكي هيك) بس عنجد الاشي بدايق! قال "ما اخذ بالقوة لا يرد الا بالقوة" اي شفنا القوة شو عملت يا قبضايات!! بست ايام اسرائيل فرجتكو العجايب السودة!! وحياتك لا تعود تحكي عن القضية الفلسطينية لانو دمي بيفور وما بعود بعرف شو عم احكي! (مع اني بفكر انو حكيي صح) بعدين دخلك انتي عم تعطي مبرر لتهجمكو على السعودية طيب يا خيي مهو هالتفرقة والطائفية والحدود الانسانية والسياسة والتفكك اللي بينا كعرب مش هو احد اهم الاسباب بضياع فلسطين؟! يعني لازم نكرر نفس الغلطة؟! لك ايمتا بدكو تتوحدوا وتتخطوا هالازمات عاد؟! تعرف شو احسن شي بالحضارة الاسلامية ؟على فكرة في دراسة اجنبية عملوها جديد عن عبقرية محمد وبحكوا فيها انو اكتر شي عبقري بتكتيك محمد هو انو وحد العرب والمسلمين وحدة انسانية ووحدة عسكرية! وهاد الشي ياللي خلاهون بيوم من الايام يحكموا العالم! بس طبعا طول ما في خونة بهالوطن العربي كل ما رح نضل نقول انا لله وانا اليه راجعون
