اقتباس:
كاتب النص الأصلي : الحاج متولي
بالنسبة لموضوع النخوة العربية و الوطنية ...فهادا شي مابظن إنك بتقدر تحكم علي فيوا إني أنا وطني ولا لأ
أنا و الحمد لله دمي سوري وعروقي شامية ...و قلبي حومصي......بس للاسف مخي حلبي
المهم
في شغلة مهمة كتير لازم نوقف عندا إني الزمن علمنا ما نستعجل ونحرق كل وراقنا
أخي الكريم
الكل بيعرف إني مافي إنسان رجع من السعودية وراد يستقر ....ماشاف قداموا إلا مشاريع فاشلة لإني للاسف المشريع الدسمة أو يلي خرج الواحد يشارك فيها .....محدد لفئة معينة من الحيتان يلي دابحة المواطن السوري قبل أي شي
وأكتر المغتربين العرب برا سوريا وقت يلي فكروا يرجعوا للبلد ...مالاقوا شغلة غير فتح سوبر ماركيت أو شي تاجر نصب عليهن نصبة ...روحلهن الخميرة كلياتها
عودة المغترب لعنا المشكلة ما إلها أي مميزات هاد أولاً
أنا من ناحيتي ماعم قول إني الواحد لازم يعيش بالغربة بمزلة لا أكيد....بالعكس الواحد حلوا على قلبوا إني ياكل خبزة وبصلة ببلدوا أفضل من خاروف محشي بالإهانة و الزل
ومن ناحية أخرة
ورجيني واحد عايش ببلاد الغربة غير السعودية مو حاسس باغربة و الإهانة
روح شوف السوريين يلي عايشين بأوربا ولا بأمريكا ..... الله وكيلك عيشة متل الزفت .. الواحد منهن خايف يضرط (لو قللنا أدب) من شان مايتهموا إنوا إرهابي
و إمتا ما جيتوا خايف من طردوا برا البلد
كل المغتربين عم بيعانوا .... والسبب الرئيسي هو سوريا ...مو البلد المضيف
لو كانت العيشة عنا بتشهي .....ماكان حدا راح لبرا .....لإني سوريا و الحمد لله خيراتها مافي منها بكل العالم ....من مي و أكل و شرب و جو حلوا
بس المشكلة بتغيب شهر عن البلد وبترجع ......بتبلش تكفر ..من أول ما بتدخل المطار ....وهادا الشي يلي عم بيخلي الناس تنهزم
بيقلك الإهانة برا بلدي أفضل ما انهان جواتها
روح قدير إشتكي على جار إذا كان غلط في حقك أو تعدى عليك ...وياويلك إذا ماكان جيبك مليان او مدعوم
....
على العموم أنا آسف كوني طلعت عن الموضوع شوي
بس معلش سامحني .....وهادا الشي إذا أنا عمقولوا عم قولوا من غيرتي على البلد وكوني رايد إني المجتمع السوري يصل لافضل مستوى ...و إلا كنت حميت الشغلة أكتر و أكتر وقلت ......عليهن شباب .....حملوا العصاية ...وياقاتل يامقتول ..و بالنهايه بتشوف إني ....ماحدا خسر غير الشعب العربي بس....سواء من عنا أو منعندهن
الناس يا إبن الحلال عايشة من قلت الموت......وما إلنا غير نقول...الله يكون بالعون ونرحم حالنا ...من شان الله يرحمنا
تحياتي
الحاج متولي
|
بالفعل أدهشتني بطريقة وصفك البلد باختصار شديد
مشكور على الرد الصريح و انت كونت عندي فكرة عنك انو النخوة بأمثالك موجودة منذ ولادته ولو كرهو طريقة عيش بلدهم
و لكن مو بس نحنا عما نموت و الشعب السعودي كمان تصور!!
و هذا الرابط دليل و انا انتظر ردك
http://www.youtube.com/watch?v=8CnW8wb8LGE
و لا تزعل مني و لكن هذا يغضب الحيط إذا سمعه