[الحاج متولي]

كاتب النص الأصلي : tareef

الموضوع أخي الكريم ليس رمي فتنة ولا من هدا الشي
الموضوع أنو نحنا مو نايمين على أذننا صار لازم على الشباب العربي السوري يصحصح معي شوي
المستقبل لبلدنا صار لازمو تكاتف منه
و الحمد لله أنو الشعب السوري يغار على بلده و فيه نخوة و عزة
و نحن نفتخر بما وصلنا إليه من العلم و التطور و لا نحتاج إلى أمثالهم و لا بترولهم
و أقول لكل عربي سوري مهما الخلافات حلت بيننا فسيجمعنا طريق الجهاد ضد الأعداء كما جمع الثوار
ضد تركيا و فرنسا و إسرائيل ووضعنا حداً لهم و هذا ما سنفعله
أخي الكريم جوابك لا يدل على غيرتك على بلدك على كل حال مشكور على ردك
و هيك موضوع مو اسمو امور مصدية إذا سمحت لا تنزعج مني أخي الكريم أنا شب عربي سوري
و شعاري ( يا ويلو اللي يعادينا )
و نحن معك يا أسد حماك الله يا أسد’
و شكراً
و أتمنى من الإدارة عدم حذف الموضوع و شكراً

بالنسبة لموضوع النخوة العربية و الوطنية ...فهادا شي مابظن إنك بتقدر تحكم علي فيوا إني أنا وطني ولا لأ
أنا و الحمد لله دمي سوري وعروقي شامية ...و قلبي حومصي......بس للاسف مخي حلبي
المهم
في شغلة مهمة كتير لازم نوقف عندا إني الزمن علمنا ما نستعجل ونحرق كل وراقنا
أخي الكريم
الكل بيعرف إني مافي إنسان رجع من السعودية وراد يستقر ....ماشاف قداموا إلا مشاريع فاشلة لإني للاسف المشريع الدسمة أو يلي خرج الواحد يشارك فيها .....محدد لفئة معينة من الحيتان يلي دابحة المواطن السوري قبل أي شي
وأكتر المغتربين العرب برا سوريا وقت يلي فكروا يرجعوا للبلد ...مالاقوا شغلة غير فتح سوبر ماركيت أو شي تاجر نصب عليهن نصبة ...روحلهن الخميرة كلياتها
عودة المغترب لعنا المشكلة ما إلها أي مميزات هاد أولاً
أنا من ناحيتي ماعم قول إني الواحد لازم يعيش بالغربة بمزلة لا أكيد....بالعكس الواحد حلوا على قلبوا إني ياكل خبزة وبصلة ببلدوا أفضل من خاروف محشي بالإهانة و الزل
ومن ناحية أخرة
ورجيني واحد عايش ببلاد الغربة غير السعودية مو حاسس باغربة و الإهانة
روح شوف السوريين يلي عايشين بأوربا ولا بأمريكا ..... الله وكيلك عيشة متل الزفت .. الواحد منهن خايف يضرط (لو قللنا أدب) من شان مايتهموا إنوا إرهابي
و إمتا ما جيتوا خايف من طردوا برا البلد
كل المغتربين عم بيعانوا .... والسبب الرئيسي هو سوريا ...مو البلد المضيف
لو كانت العيشة عنا بتشهي .....ماكان حدا راح لبرا .....لإني سوريا و الحمد لله خيراتها مافي منها بكل العالم ....من مي و أكل و شرب و جو حلوا
بس المشكلة بتغيب شهر عن البلد وبترجع ......بتبلش تكفر ..من أول ما بتدخل المطار ....وهادا الشي يلي عم بيخلي الناس تنهزم
بيقلك الإهانة برا بلدي أفضل ما انهان جواتها

روح قدير إشتكي على جار إذا كان غلط في حقك أو تعدى عليك ...وياويلك إذا ماكان جيبك مليان او مدعوم
....
على العموم أنا آسف كوني طلعت عن الموضوع شوي
بس معلش سامحني .....وهادا الشي إذا أنا عمقولوا عم قولوا من غيرتي على البلد وكوني رايد إني المجتمع السوري يصل لافضل مستوى ...و إلا كنت حميت الشغلة أكتر و أكتر وقلت ......عليهن شباب .....حملوا العصاية ...وياقاتل يامقتول ..و بالنهايه بتشوف إني ....ماحدا خسر غير الشعب العربي بس....سواء من عنا أو منعندهن
الناس يا إبن الحلال عايشة من قلت الموت......وما إلنا غير نقول...الله يكون بالعون ونرحم حالنا ...من شان الله يرحمنا
تحياتي
الحاج متولي