amar84 : إيه لااااااا اسمحيلي ماني غلطان
.. إنت الغلطانه لك أختي
، إيه إنت .. معلشي لا تعملي حالك بريئة
.. الغلط يا منك يا من أهلك وبدك تزعلي إزعلي بدك تسحبي الشبرية اسحبيها ماني سآئل دمي وعيوني فدى الحارة وأهلها
، بس وينك لا تقولي غلطان .. الحق مو عليك الحق على أهلك يلي سموك amar84 .. بنتي إنت لازم يسموك amar 14
وفهمك كفاية بقى مين الغلطان فينا .. اعترفي بأمانتك بشورابك أخوك عنتر صادئ ولا مو صادئ أنا
.
بعدين شو هي سورية مو سورية
.. لك إنت بالحارة عنا وكل شيء أكل من أكلات الحارة وخصوصي من عند بياع المشروح الأدعشري
وشرب من موياتنا "أناني بقين" فنحنا منعطيه جنسية الحارة ..
مبروك عليكي يا أختي ..
الآلهة : وينك يا أبضاي
شكلنا ما رح نرسى على بر أنا وياك
ولازم واحد فينا هوه الراس هون .. خلص
.. نسيت لما إجا جدك الله يرحمنا جميعا برحمتو .. هو وجدي لما فتحو كار دهان
.. وقرروا يعملوا مشروع المهم وبلا طول سيرة هاد الحكي اللهم صلي على النبي كان بحوالي السبعينات
.. وقت جدها لقمر كان بدو يدهن المكيف
.. أكيد تذكرت القصة .. إيه وقتها كان معلق المكيف براس البناية .. وجدي قلو لجدك بمعيتك يا جدو للآلهة .. استناوللنا المكيف لندهنو
.. هاد الحكي كان بعز شبابن .. المهم إجا جدك بدو يحملو وجهزوا الدهانات وجدها لقمر جابلنا كاسة شاي أكرك عجم لهلأ جدي بيحكيلنا عنها
آل طعمتها بتطير العقل وطمعها لهلأ بتمو
.. المهم .. جدك الله يذكروا بالخير وهو عم يسحب المكيف وإز .... بووووووووووووف ... بيقع المكيف وبيتكسر مليون شقفة .. جدي الله يرحمو ... "تعيشو ووترحمو" حط إيدينو على وشو وخبى وشو ... وبهيك دفع جدي حق المكيف
.. وبيني وبينكم جدها لقمر راعاه باعو بحقو الأساسي ودبل
.. ورجع جدي وجدو للآلهة .. وأكلو صحن فول واحد تقاسموه من عند بوز الجدي
كالعادة.
skull_lover مشان العصابة لك يا أختي ولا يهمك التنين يلي معنا هوه "The Dark Dragon" وقريبا بتعرفي شو القصة، ومشان الزيطة والزنبليطة اشتريلك شيء كم بالونه وشريطة وعلقيلنا ياهن بالحارة بمعيتك الله يستر عليكي
.. حاكم بدنا نضرب ضرب بالحارة
. بخاطرك أختي .. يالله .. يالله ... خديلنا طريق الله يرضى عليك
...
تالين : لك شو هي شعشعت وتلعشمت
.. إيه الله وكيلك الشعشعة كلها يلي عندي .. ولو راح أتبهدل من وراها وراح ييجوا الزابطية يشحطوني
... سرقتها من شقفة من نورك .
. شو عم تحكي إنتي .. ومشان إجيت بوقتي ذكرتني بهاد المطرب الصاعد هاد .. شو كان إسمو ؟؟؟ إيه إيه تذكرت .. ملحم لك لأ مو زين .. هاد قديم .
.. عم قلك جديد .. جديد ... إيه إيه تذكرت
... بركات .. بيقول فيها :
جيت بوقتك فرفحي قلبي
... فرفح قلبي آآآآآآآآآآآآه يا قلبي
.. امساح العتمة مساح العتمة
مساح العتمة الساكن دربي .. وإذا ما بتعرفيها
"لأ ما رح جبلك الشريط تبها"
بخلي رجالي يجيبولك ياه موجودا يغنيلك ياها .. ولو أئل منها كرمال عيون تالو كل شيء بيهون وبيمون
.... جهزي حالك .. كمان راح تكون معنا بالعصابة ..
ساعديها لقمر بتعليئ الزينة مشي
؟؟
khaliiiil : لك أحلى أبو الخل
.. شريك وين شايفك أنا
.. بالمحمصة ولا عند أبو كسار بياع اللحمة ؟؟ مو مشكلة
.. على العموم تسلملي عيونك يا شريكي
.. وإنت يلي على نافوخ نافوخي .. كبير كبيييييير
...
ملاحظة : يلي بالمرفقات هدية لقمر الحارة اعتذارا على الخطأ .. سامحيني بنت عمي .. والله حقك علي .. وإذا ما رضيتي لندور على طريقة تانية نراضيكي فيها .. المهم ترضي ... والله الليل ما عم أعرف نامو ... يستر على أهلك وأخواتك .. سامحيني ...
:: إذا كنت مبوزم طول عمرك معلش ما بصير عليك شيء إذا فردت خلقتك بوشي، لا تخاف ما بيطق فيك ولا عرق على كفالتي، يالله أوام لشوف ورجيني ابتسامتك البهية ::