[Fazlak]

(واكبر دليل مبادئنا القومية بجعل سوريا مأوى عجزة واستقبال مايزيد عن مليوني ونص مليون عراقي .. شوف كيف اتبهدل شعبنا بالغلاء وارتفاع الاسعار مشان شو !! مشان مبادئنا القومية باستقبال الاشقاء العجزة على حساب المواطن السوري ولقمة عيشه لا ومبادئنا القومية سمحتلهم كمان يضاربو على ابناء سورية الحبيبة بمصادر رزقهم ويضاربوا عليهم بكل مناحي الحياة ))

مع كل إحترامي لرأيك و شخصك، هذا يسمى تعالي على الغير و عنصرية وطنية مسبوغة طبعا بإحتقار الشعوب المتجاورة..
لاحظ شعارات : الأردن أولا، لبنان أولا، العراق أولا، و الآن عم بسمع من سوريين سوريا أولا...

الهدف من هذه الشعارات الدخيلة ليس الدفع لحب الوطن... بل ينبع من هدف تمزيقي يبدأ من التخلي عن القضية الفلسطينية، و جعلها قضية فلسطينية بحتة، و يمر بهدف التخلي عن أي موقف وحدوي - يكون في أسوأ حالاته - موقف عدائي، و ينتهي بسلسلة أهداف طبقية أنانية تحد أفق كل مواطن يهتف بهذه الشعارات...

المنطقة عم تغلي يا عيني.. و اللي حاططها عالنار، حاططها كلها...مش مقسمها... يعني بعد العراق و لبنان و فلسطين كان جايي دور سوريا و ايران (لو كانت نقشت معهم للأمركان).. الباحث عن مصادر الطاقة و المنقّب عن أسواق لبضاعته و أسلحته، لا يفرق بين عراقي و سوري...

بعدين مصادر الرزق عمرها لا تُسرق من لاجىء أو من شغيل... نفس الحكي عنا بلبنان منسمعو عن الفلسطينيين و كنا نسمعو عن الشغيلة السورية اللي بنو بيروت بسواعدهم بالأربعينات و بالتسعينات، عم نسمعو على لسان المتصهينين الجدد.. مصادر الرزق لها من يسرقها...

و لكن المخ الاستعلائي للأسف ليس له حدود... كل ما يحتاج اليه هو تضييق النظر...