[Nathalie]

يلي بيتنازل عن الحق ......و بيسكت عن الغلط ......شيطان أخرس ....وإذا رضينا بموضوع إشهار الشذوذ ...فهادا بيأدي لتنازلنا عن كتير أخلاق........
اليوم بنتنازل عن موضوع أخلاقي ......بكرا بنتنازل عن حق من حقوقنا الشخصية
الأخلاق مافيها تنازل
إلا إذا كنتي رح تفرضي علينا أخلاق الغرب ..على إنها هي الصح
أنا بعترف بإني في كتير شغلات عنا غير اخلاقية ....وفي عنا كتير شغلات متعصبة ....ورجعية ......بس هادا الشي لازم نصلحوا ...بطريقة أخلاقية اولاً ..ودينية ثانياً........ومالازم نصلح أخطائنا باخطاء أكبر ....لإني الكل بيعرف إني الغرب متطور علمياً بس ..إنما من ناحية الأخلاقية ....فهنن أكيد مارح يسبقونا بالأخلاق و الإحترام
وبالتأكيد هادا موضوع تاني ....من شان هيك ...مارح خوض فيوا بس بوعدك إني رح نناقشوا فيما بعد

حبيت علق على موضوع الأخلاق والدين! أولا الأخلاق نسبية جداً وتختلف من شخص لآخر وعليه لا يحق لأي إنسان أن يفرض معاييره الأخلاقية على الآخر.
مثلا في ناس بتعتبر إنه شرف العائلة بترتبط بالفتاة، وإنه البنت الي بتمارس الجنس خارج نطاق الزواج عاهرة، وبالمقابل في ناس ما بتعتقد إنه حياة المرأة الجنسية بتأثر على أخلاقها.
أنا شخصيا بشوف الزلمة الي متزوج أكتر من امرأة بنفس الوقت بدون أخلاق وما بحترمه، وفي غيري كتير بشوفوه أمر عادي.
في النهاية موضوع الأخلاق نسبي وشائك جداً، وأنا مثلا مو مستعدة أفرض معاييري على الآخرين، طالما إنهم محترمين خصوصيتي.

وبتصوري سيريان غاي يا أخي ما بده ياك تصير مؤييد للمثلية ولا تطلع بمظاهرات تطالب بحقوقهم ولا تطبله وتزمرله، إنت إذا شايفه مو طبيعي فأنت حر، ولكن ما تفرض معاييرك عليه...يعني بكل بساطة عيش ودع الآخرين يعيشوا.

إنت عم تحكي عن الحقوق الشخصية، فبقى أنا ما فهمت كيف لمن يتمتع سيريان غاي بنفس حقوقك، بتكون إنت عم تتنازل عن حقك الشخصي!! ما حدا عم بيطالبك تتنازل عن حقوقك أبدا، ولكن تترك الآخرين ياخدوا حقوقهم كمان وإذا إنت بحقلك تحب وتظهر حبك لمرتك، فهو بحقله يحب ويظهر حبه. الاعتداء هو لما تستنكر عليه هاد الحق.

وبخصوص الدين فبرضه هاد موضوع مو بس نسبي ولكن شخصي كمان. إذا سيريان غاي بيؤمن ولا لأ هاي مشكلته مع ربه، ما حدا إله عنده شي غير ربه وما حدا بيحقله يحاسبه غير ربه.

وأخيرا إذا إنت شايف إنه المثلية مرض ( رأيي بختلف نوعا ما) ، فمعناته ليش نحاكمه طالما الشغلة مو بإيدو؟