[E L W A R]

السلام عليكم
نحنا مجتمعنا مجتمع ديني
- بغض النظر عن ما هية الدين -
المهم انو نحنا كعرب لا عاداتنا ولا تقاليدنا ولا ديانتنا بتبرىء ولا حتى بتستسيغ هالعادات اللي حرمتها أدياننا على تنوعها هالعادات اللي بنعتبرها شذوذ متل ما بيعتبرها أي شخص بالعالم
- يعني حتى المثيلي بيسمي نفسو شاذ -
طبعا ما قصدي هين اي شخص
وانا من الناس ما بكره المثيلي كشخص لكن بشفق عليه
و أما بالنسبة لفكرة ان الشذوذ الو علاقة بالجينات فهاد الامر ما الي فيه علم لكن بشوف انو البني آدم بيختار افعاله وتصرفاته وعاداته وبعرف متل ما أكتر اللي عم يقرأ هالسطور بيعرف انو حياتنا مبنية على دوافع وهالدوافع ممكن تتكيف مع أي طبيعة بنعيش فيها وبأي مجتمع والشذوذ يعتبر دافع او بالأحرى هو الوجه من وجوه الدافع الجنسي اللي كلنا بنعرف انو في وراه هرمونات بتحدده وبتعطيه كل جوانبه اللي بتتفاعل مع دوافع تانية على شوية عادات وتقاليد و مبادىء بيكتسبها الشخص بحياتو كل هالمكونات بتجتمع لحتى توجه الشخص لعيش حياة جنسية بترضيه وبتليق بالمجتمع اللي عايش فيه
والشذوذ هو واجه للدافع الجنسي لكن التحكم فيه بيكون بعيد كل البعد عن العامل الهرموني أو الجيني والتحكم بهاد الشذوذ بيكون للعادات والتقاليد والمبادىء اللي بيتبناها الشخص و يعتبرها قوانين تحرك حياتو
ورأنا رح اعطيكون مثال ممكن يكون بعيد عمليا عن موضوعنا لكن أنا بعتبرو تقريب للفكرة من الذهن لحتى نتأكد انو الشذوذ هو عادة ممكن تتملك الشخص لا أكثر
وهالمثال أنا شفتو بعيني وبطل هالمثال هو صديقي اللي كان شخص الحادي ما بيؤمن بوجود رب او دين أو أي شيء يتحكم بهالعالم من حوله يعني ما في أي رادع أو حاجز بينو وبين اي شي محرم فكان يقدم على أي شيء بدون رادع مهما كان من شرب او لهو أو سب للمتدينين والملتزمين وكان بيكره كل الاشخاص اللي عليهون هالة التدين و فجأة صار هالشب متدين معتنق للدين الاسلامي وملتزم حتى النخاع وكل هالحكي صار بظرف شهر يعن هالشخص تغيرت حياتو بشكل كامل من ابن لأبوين ملحدين بيعيش حياتو - متل ما كان يفكر- بكل جوانبها بالطول وبالعرض لشخص متدين رمى وراه كل معاني الحياة المترفة اللي كان عايشها وكل الاغراءات اللي ممكن تجر الشباب للانحراف ........
طبعا هاد المثال بعيد عن موضوعنا لكن بنقدر نستند عليه بقرارنا او حتى شكنا القريب من اليقين بانو الشذوذ عادة بسيطة التغيير اذا كان صاحبها عندو الارادة يعني الحياة تغيرت راسا على عقب بالنسبة لهاد الشخص بينما الشاذ ممكن يغير هالعادة البيسطة اللي أنا بشوف انها بتكون عادة من الصغر لسهولتها فالكل بيعرف انو الشاذ ممكن يلبي حوائجوا بكل سهولة وهالسهولة هي اللي أعطتو الدافع لحتى يبقى على عادة اتعرف عليها بالصدفة بصغروا وما كان في عندو التربية أو العمر اللي بيخليه يتبنى مبادىء مظادة الها
المهم اولا واخيرا انو الشذوذ عادة محرمة بالدين و العادات والتقاليد العربية والعالمية
وبكل الاحوال أنا من جهتي ضد الشذوذ مع احترامي للأخ كا تب الموضوع
وكل اللي كتبته هو رأي شخصي ما في من وراه اي كره لاي شخص كان

.
.
.
.
.
.
.
ودمتم بود