اقتباس:
|
كاتب النص الأصلي : aboalzeik
مشكور يا عراب على المعلومات
و يا ريت تبعتلي الطرق و بكون ممنون
هلا هو صحي ما بقي عنا غيروا بس واحد بيستفيد للايام
فإذا مافي ثقالة يا ريت تقلي شو هنن الطرق
مشكور سلفا
|
معلم المسألة بسيطة ....
أول طريقة , بس تولد الأم الجراء بكثير من الأحيان بموت جرو أو أكثر .. يعني لنفترض إنو ولدت 6 جراء و بعد فترة الولادة بـ 4 ساعات (إفتراض) مات جروين .. يعني بقا عنّا 4 جراء... بأكتر الأحيان الأم بتاكل الجراء الميتة و هادا مانو شي خطير (يعني عادي) . هلىء الأم بأكثر الأحيان ما بتغير موقع الولادة (المكان يلي نولد الجراء) بس إذا بدا تغيرو بيحصل هادا الشي بنفس يوم الولادة أو خلال يومين من يوم الولادة .. هلىء المهم بس بعد ولادة الجراء بـ 4 أيام (حد أقصى) بتاخد الأم و بتحطا بمكان بعيد عن الجراء بشكل ما تقدر تشوفون و تربطا أو تأغلق عليّا الباب إذا بدك تحطا بغرفة (مثلا") هلىء بس تبعد الأم عن الجراء بتروح إنت و بتحمل الجراء و بتحطون بمكان تاني بس ما يكون المكان مريح يعني حطون بمكان مفتوح مو بشي زاوية (مشان الأم ما تستبدل المكان الأصلي و هادا نادرا" ما يحدث) المهم بس تخلص نقل الجراء بتروح و بتفلت الأم مشان ادور على أولادها .. هلىء هون الأم بس تلاقيون رح بتشمون واحد واحد بعدين بتنقي جرو و بترجعو للمكان الأصلي , هلىء أول جرو بتنقي الأم و بترجعو هوي بكون الأفضل , بعدين بترجع الأم و بتنقي واحد تاني و بترجعو , و تاني جرو بترجعو الأم هو تاني أفضل جرو و هيك حتى تخلص نقل كل الجراء ... هلىء إنت هون بس ترجع الأم أول جرو لازم تروح عالسريع و تحطلو علامة مميزة (مشان ما تخربط بينو و بين بقيت الجراء) .. هلىء معظم يلي بربو كلاب بخلو الجرو الأفضل و الوصيف الأول إذا فينّا هيك نقول (هههههه مسابقة ملكة الجمال) .... هلىء معلم هاي أول طريقة إنشالله تكون وصلت الفكرة .....
مشان الطريقة الثانية ... في كتير من الأحيان بتروح لعند شخص بكون عندو جراء ولدانين من شي شهرين (أكثر أو أقل) ... يعني أول طريقة مافيك تعملا لأنو الجراء صارت تمشي ....
هلىء هون لازم تشوف أكتر جرو بحب الإستطلاع .. يعني وئت بتروح مشان تشوف الجراء بتكون بعيد عنون شي 4 أمتار (مثال) بئا بعض الجراء رح تبقى بعيدي (محافظي على مسافة الأمان) و هدولي الجراء يلي بضلو بعاد عنك و ما بقربوا منك بكونو جبانين (يعني شطب عليون لأنون خايفين منك) ... أما الجرو يلي بقرب منك و بشمّك و بخليك تلمسو فهادا هوي الأفضل لأنو ما خاف منك بالعكس واثق من نفسو و قرب مشان يستطلع و يعرفك عن قرب .... هادا هوي الجرو الأفضل و المانو جبان ...
معلم ما بعرف غير هالطريقتين .. إنشالله يكونو واضحين .....
تحياتي